|
Castiello de Peracens
Lo castiello de Peracens ye una fortaleza que bi ha en la localidat aragonesa de Peracens (Xiloca). En la suya construción s'aproveitó a topografía natural y los materials de lo terreno. Lo castiello ye dencima d'un cinglo rodeno de Sierra Menera, chunto a lo Pueyo de Sant Chinés. HistoriaLo puesto yera habitau a zaguers de la Edat de Bronce y tamién en la epoca de dominación musulmana, en los sieglos X y XI. Pareix que lo castiello se construyó pa defender un lugar medieval clamau La Villeta. Lo lugar de la Villeta podeba remontar-se a tiempos romanos y celtibers. Abanzada la Reconquiesta cristiana, ye cuan la suya importancia estratechica creix por la suya posición, cosirando la muga d'Aragón con la Reyal Sinyoría de Molina (dimpués absorbida por Castiella) y la Sinyoría d'Albarracín (dimpués absorbida por Aragón). Lo castiello s'ixampló y reformó a mitat de lo sieglo XIV. Lo lugar de Peracens y lo castiello perteneixeban a los Ximénez d'Urreya dica que en 1312 lo vendioron a la Comunidat de Daroca, integrando-se en la Sexma del río Xiloca. Lo castiello tenió un paper important cosirando a muga con Castiella. En la Guerra de los dos Peros lo cremoron. Esto amaneix en lo Poema de Gracia Dei: En esta entrada se vido / la gran fe de Bernabé; / que bien que fue combatido / mas nunca escuyto partido / fasta que cremado fue / y ni aun por essas rendido.
Ye en 1987 cuan la Deputación Cheneral d'Aragón, por l'intrés que atraye, y adintro d'una restauración de lo patrimonio suyo, encomienza a restaurar-lo. Tamién se i han feito catas arqueolochicas, como en una pedrera de l'interior de lo recinto exterior, de la que se sacaba piedras circulars pa fer molins. Vinclos externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
