Busa

Busa
Despoblau medieval d'Aragón
Sant Chuan de Busa
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Biescas
Partiu chudicial	Chaca
Población  • Total	0 hab. (2009)
Parroquial  • Diocesi  • Arcipestrau	Chaca Biescas
Coordenadas	42°33’52’’N 0°18’48’’U
Busa Busa en Aragón

Busa estió un lugar medieval aragonés, hue ye desapareixiu, que fa parti d'o municipio de Biescas, situau en a comarca de l'Alto Galligo y provincia de Uesca, en o puesto a on se troba encara la ilesia de Sant Chuan de Busa, que estió la suya ilesia parroquial.[1]

Agustín Ubieto Arteta cita o lugar en a suya obra Toponimia aragonesa medieval, y menciona as variants Buesa, Busa, Buessa, Buesia, Busi, Bosa, Bossa, Uosa y Uesa, estando la suya primera cita en 1064, recullida en a obra d'Ángel Canellas López Colección diplomática de San Andrés de Fanlo (958-1270).[2] No s'ha de confundir con o lugar de Buesa.

Etimolochía

Podría derivar d'o latín buxu, literalment buixo, u de l'antroponimo latino Busa.

Historia

Existen cuantas teorías sobre iste lugar. Mientres que uns piensan que a ilesia ye l'orichen d'un lugar de repoblación que nunca no plegó a construyir-se, atros creyen que una riada d'o barranco de Busa, que pasa chusto a lo norte de l'edificio, alleró o lugar en una epoca desconoixida.[3]

Se veiga tamién

• Ilesia de Sant Chuan de Busa. Ye una ilesia en estilo romanico que estió obchecto d'una retauración por l'Asociación Amigos de Serrablo.[4]

Referencias

1. (es) Isidro Gonzalo Bango Torviso: El románico en España, Espasa-Calpe, Madrit, 1992, p. 142. ISBN 84-239-5295-9.
2. (es) Ubieto Arteta, Agustín: Toponimia aragonesa medieval, Valencia, 1972, pachinas 68 y 66.
3. (es) José Miguel Navarro López: Geografía medieval de Serrablo. Colección «A Lazena de yaya», 15. ISBN 84-8127-104-7.
4. (es) Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1^era edición, ISBN 84-9776-112-X, p.168-169.

Lugars desapareixius d'o municipio de Biescas
Busa | Estarluengo | Frascino | Güé | Isábal | Latiart | Santa Engracia | Sant Liebans

• Datos: Q13048561