|
Bermudas
As islas Bermudas (en anglés Bermuda) son un territorio autonomo d'ultramar que perteneixe a o Reino Uniu, situato en l'Atlantico Norte, debant d'as costas d'America d'o Norte, a l'este de Carolina d'o Sud (Estaus Unius). S'atribuye o descubrimiento a Juan Bermúdez, navegant espanyol de Palos de la Frontera (Uelba), en primerías d'o sieglo XVI, probablement en 1503. S'han convertito en un d'os centros financiers y turisticos mas importants d'o mundo. As Bermudas son consideratas a sobén un paradiso fiscal. Tienen una superficie de 58,8 km²; y una población de 64.500 habitants (2003). As localidaz prencipals son Hamilton (en ye a suya capital) y a villa historica de Saint George's, declarata Patrimonio d'a Humanidat por a UNESCO. Os hombres d'istas islas gosan portar uns pantalons curtos caracteristicos que plegan dica o chenullo, derivatos de l'antigo uniforme d'os soldatos britanics, que han pasato a decir-se bermudas (en anglés Bermuda shorts). Historia O zaguer gubernador anglés de Bermuda estió George James Bruere qui morió dimpués de destapar un complot muit important mientres a Guerra Revolucionaria Americana en 1780. Dengún no sabeba dica agosto de 2008 a on yera apedecato, dica que un grupo d'arqueologos norteamericans d'a Universidat de Boston, trobaron a suya sepoltura baixo a ilesia de St.Peter d'a ciudat de Saint George's cuan yeran buscando a sepoltura d'o capitán de l'armada anglesa, Sir Jacob Weathe muerto tamién en 1783 en St.George's. Ista trobata inesperata remató con a limpieza d'a placa de bronce que yera sobre a tapa d'o sarcofago en a que s'alzaban unas restas humanas. A placa informaba con detalles que as restas perteneixeban a o zaguer gubernador anglés. Entre 1780 y 1783 bi habió una important epidemia de fiebre anariella que despobló a isla.
|
||||||||||||||||||||||||||||||||||||||||||||
.svg){kind=small}
Portal di Ensiklopedia Dunia
