Acrotiri y Dhekelia (Akrotiri and Dhekelia, en anglés; Ακρωτήρι και Δεκέλεια, en griego) son dos bases sobiranas d'o Reino Uniu en Chipre, una antiga colonia d'a Corona Britanica. As dos arias contienen bases militars habitatas por britanicos, zonas residencials a on que viven en a suya mayoría ciudadans chipriotas, y terrenos cautivables.
Acrotiri se troba a lo sud d'a isla, amán d'a ciudat de Limassol. Se diz tamién "Base Sobirana Occidental" (Western Sovereign Base Area en anglés). Mas de 3.500 soldatos d'a Reyal Fuerza Aeria y a Marina Reyal son destinatos en a base; entre as suyas responsabilidaz incluyen a colaboración con os Cascos Azuls d'a Organización d'as Nacions Unidas en o mantenimiento d'o proceso de paz.
Dhekelia u Base Sobirana Oriental (Eastern Sovereign Base Area en inglés) se troba en o sud-este, amán de Larnaca, d'a muga con l'autoproclamata Republica Turca d'o Norte de Chipre y d'a ciudat de Famagusta, chunto a la zona libre administrata por Nacions Unitas.
.svg)
.svg)
