America d'o Norte

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

America d'o Norte
Continent
Entidat	Continent
Superficie  • Total	Pos. 3º de 7 24 930 000 km²
Población  • Total (2013)  • Densidat	Pos. 4^eno de 7 565 265 000 hab. 22.9 hab/km²
Estaus	23
Dependencias	15
Zonas horarias	UTC-10 a UTC
Chentilicio	Nortamericano/a[1]

America d'o Norte u tamién Nordamerica, ye un subcontinent que fa parte d'o continent d'America y que s'estendilla por l'Hemisferio Occidental dende l'oceano Glacial Arctico por o norte, dica la muga de Mexico con Guatemala y Belize por o sud, estando a la vegada delimitau por l'oceano Pacifico a l'ueste, y por l'oceano Atlantico a l'este. Se considera que America Central no en fa parte, a diferencia d'os cheografos de países anglo-saxos, que encluyen America Central en America d'o Norte, que seguntes ista concepción plega asinas dende Alaska dica l'istmo de Panamá (incluyindo-ie tamién as Antillas). Tamién de vegatas se considera que Mexico no en fa parte, estando adhibito seguntes istas concepcions a America Central, mas que mas por consideracions de tipo cultural, en estar Canadá y Estaus Unius países anglo-parlants y Mexico un país hispano-parlant. Sindembargo, ta la mayor parte d'a comunidat cientifica d'America d'o Norte en fan parte os estaus de Canadá, Estaus Unius y Mexico.

America d'o Norte.

Referencias

1. (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

• Datos: Q49
• Multimedia: North America / Q49