|
Barranco de los Leiteros
O barranco de los Leiteros ye un barranco aragonés d'a val d'Ebro que naixe en os monts de Lo Castellar, pasa por o lugar d'Alfoceya, y desemboca en a marguin ezquierda d'o río Ebro, desauguando en o galacho de Chuslivol. O barranco naixe en o parache de Lo Castellar, concretament en a zona cartografiata como Hoya García, dintro d'o Campo de Maniobras y Tiro de Sant Gregorio, y lo municipio de Zaragoza. En o suyo recorrido reculle as auguas d'os barrancos de Puiamarillo, Putinaja, Manantial Alto, Val del Pozo, Val del Toro, Val del Castellar y Val de Puisemilla por a suya marguin dreita, y Val de fríos, Val de conche, Val de Arranca Pedos, Santa Ana, Los Toros, Bonete y Val de Villanueva por a suya marguin ezquierda, principalment. O suyo cauz ye en cuasi la suya totalidat deixato en condicions naturals por a existencia d'o campo militar. A l'altaria d'o lugar d'Alfoceya ye encauzato artificialment, por a peligrosidat d'as suyas barrancadas, producitas por as tronadas en o suelo d'o mont, d'orichen calsiner y chesero. Puet veyer-se un platero eixemplo d'erosión remontant en o cauz meyo-baxo d'o barranco, poco antis d'a localidat d'Alfoceya. Figuras de protección
Se veiga tamién
|
||||||||||||||||||||||||||||
Portal di Ensiklopedia Dunia
