Albanyà (Albanyà en catalán y oficialment, Albañá en castellano ) ye un municipio catalán situato en a comarca d'Alto Empordán y partiu chudicial de Figueras , en a provincia de Chirona .
A suya población ye de 149 habitants (2010 ), en una superficie de 94,43 km² con una densidat de población de 1,60 hab/km².
Albanyà ye situato a 239 metros d'altaria sobre o livel d'a mar , a una distancia de 23 km d'a ciudat de Figueras , a capital d'a suya comarca y partiu chudicial ; a 72 km de Chirona , a capital d'a suya provincia (provincia de Chirona ) y a 163 km de Barcelona , a capital de Catalunya.
D'o suyo termin municipal fan parte os lugars de Bassegoda , Carbonills , Cursuvell , Lliurona , Molí de Baix , Molí de Dalt , Pincaró , Ribelles y Sous .
O termin municipal d'Albanyà ye trescruzato por o sender de Gran Recorrito GR 11 y por dos rutas BTT .[ 1]
Historia
Encara que o territorio d'Albanyà yera habitato en l'antigüidat (bi ha restas arqueolochicas megaliticas), a primera cita documentata d'o lugar ye de 844 , con o nombre d'Albanianum , en un diploma d'o rei franco Carlos II O Calvo que cedeba tierras a l'abat Domnulo, que estió o fundador en o lugar en 820 d'uno d'os monesterios beneditins mas antigos de Catalunya , o monesterio de Sant Per d'Albanyà , que dende 869 pendió d'o monesterio de Santa María d'Arles , en o Vallespir .
A prencipal actividat economica d'Albanyà estió historicament l'agricultura , con cerials , trunfa , legumbres u ferraina ; amás amás d'a ganadería .
Bi habió tamién silvicultura , incluyindo-ie a elaboración de carbón vechetal , encara que a industrialización fació desapareixer ista actividat.
O incremento d'o turismo y d'atras actividaz d'ocio (recollida de fongos u cazata ) ha desenvolicato modernament, dende a segunda mitad d'o sieglo XX , o sector d'a hostelería .
Evolución demografica
1990- : población de dreito
Reparto de concellers
Eleccions municipals
Partiu
1979
1983
1987
1991
1995
1999
2003
2007
2011 [ 2]
Convergència i Unió -
5
3
5
5
5
5
-
3
Independients
5
-
2
-
-
-
-
5
2[ 3]
Total 5 5 5 5 5 5 5 5 5
Fuent: MUNICAT , en a pachina web d'a Generalitat de Catalunya
Alcaldes
Evolución demografica
1497-1553: f uegos; 1717-1981: población de feito; 1990- : población de dreito
Molimentos
A Portalada d'a ilesia de Sant Andreu de Lliurona , d'estilo romanico (sieglo XII ). Sepulcre d'a Creu de Principi, molimento megalitico.Ilesia de Sant Vicient de Principi , en ruinas, d'estilo romanico , d'o sieglo IX .Ilesia parroquial de Sant Per d'Albanyà , d'estilo romanico , d'o sieglo X . Ye o repui de l'antigo monesterio beneditín d'o sieglo IX fundato por o monche Domulo en 844 .
Ilesia de Sant Miguel de Bassegoda , d'estilo romanico d'o sieglo XII , que ye restaurata. Tien una unica nau con vuelta de canyón apuntato y abside semicercular , con portalada orientata a meyodía y campanar con espadanya .Ilesia de Sant Martín de Corsavell .Casal fortificato de Corsavell, d'o sieglo XII .Ilesia de Sant Chuan de Baussols , d'o sieglo XIV , albandonata dende 1910 por a cayita d'un rayo .Ilesia de Sant Feliu de Carbonills , d'o sieglo XIV , con repuis de pintura romanica en o suyo interior. I provién una lapida d'o sieglo XIII que ye en Sant Per d'Albanyà.Ilesia de Sant Cristoforo dels Horts , documentata en 990 .Ilesia de Sant Cornel d'a Muga u de Ribelles. A suya nau ye enrunata, anque l'abside ye en piet.Ilesia de Sant Bertolomeu de Pincaró , d'o sieglo XII .Ilesia de Sant Andreu de Lliurona u Llorona, d'o sieglo XII .Santuario d'a Virchen del Mont. Remodelato en 2002 .
Santuario d'a Virchen del Fau, Virchen de les Formigues u de les Alades, d'o sieglo XV . Conserva o suyo retablo neclasico .
Monesterio de Sant Lorient del Mont (u de Sous), d'o sieglo XI y en estilo romanico.[ 4]
Referencias
↑ (ca ) Información d'o turismo d'a Naturaleza en a pachina web d'o Consorcio Salines-Bassegoda .↑ (es ) Resultatos d'as eleccions municipals de 2011 en Albanyà en a pachina web d'o Ministerio d'o Interior .↑ En a candidatura de Progrès Municipal , vinclata a o Partit dels Socialistes de Catalunya .
↑ (es ) Jaime Cobreros Aguirre : Las rutas del románico en España. Volumen II: Aragón, Cataluña, Navarra, País Vasco y La Rioja , Grupo Anaya, S.A. , Madrit , 2004 , 1era edición, ISBN 84-9776-112-X , p.132.
Vinclos externos
