Элита Татарстана (журнал)

«Элита Татарстана»
«Татарстан элитасы»
Tөр	иҗтимагый-сәяси, мәгълүмати басма
Формат	А-4
Гамәлгә куючы	«София» ААҖ
Нәшер итүче	«София» ААҖ
Баш мөхәррир	Вячеслав Карпов
Штат корреспондентлары	14
Нигезләнде	2006
Тел	рус теле
Бәясе	156 сум (2016)
Төп офис	420021 Казан, Татарстан урамы, 20
Тиражы	5000
Веб-сайт: http://elitat.ru/

«Элита Татарстана» (тат. «Татарстан элитасы[1]») — Казан шәһәрендә рус телендә нәшер ителүче мәгълүмати-аналитик айлык журнал. Элекке исеме – «Лидер». Республиканың эшлекле, сәяси, мәдәни, гыйльми элитасы һәм Татарстан партнерлары өчен нәшер ителә. Ай саен яхшы ак кәгазьдә, төсле итеп, 120 битле булып чыга[2].

Максат

2014 елгы август саны

Татарстанның илдәге һәм халыкара абруен күтәрүгә ярдәм итү. Журналда Татарстанның дан-абруй казанган һәм кызыклы шәхесләре — эре ширкәтләр җитәкчеләре, сәясәтчеләр, эшкуарлар, атаклы галимнәр, сәләтле мәдәният эшлеклеләре, спортчылар һ.б. турында сөйләнә, алар белән интервьюлар оештырыла.
Шулай ук көн кадагындагы мәсьәләләргә үз карашы булган, аларны чишү юлларын тәкъдим итәрдәй җәмәгать эшлеклеләре, сәяси һәм эшлекле даирә вәкилләре дә язмаларның каһарманнары була ала.

Мәгълүмат

• Оештыручысы (гамәлгә куючы) — «София» ААҖ.
• Баш мөхәррире — Вячеслав Алексей улы Карпов.
• Нәшрият эшчәнлегенә рөхсәт 2006 елда алынган. Таныклык ПИ № ФС 77-21168.

Таралу

Татарстан буенча (Казанда, Чаллыда, Әлмәттә, Түбән Камада, Бөгелмәдә һ.б. шәһәрләрдә) адреслы таратыла: ТР президенты аппараты, Татарстан Дәүләт Шурасы, ТР министрлар кабинеты, республика министрлыклары һәм дәүләт комитетлары, Казан һ.б. шәһәр-район хакимиятләре[3], Татнефть, КамАЗ, Сәүдә-сәнәгать палатасы, банклар, фәнни үзәкләр, мәдәният, мәгариф, спорт оешмалары, «Казан ярминкәсе» ААҖ, ширкәт җитәкчеләре кулына барып керә.

Рубрикалары

Актуаль интервью Экологик хәвефсезлек Финанслар Юбилейлар Онытмыйбыз, горурланабыз Мөселман гореф-гадәтләре Милли элита Көндәлек мәшәкатьләр турында Реклама

Татарстан агросәнәгате Замана медицинасы Мәдәният Зурайтып күрсәтү Спорт калейдоскопы Тарих битләреннән Афиша[4]

Адресы

420021 Казан, Татарстан урамы, 20, офис 510

Сылтама

• Журналның рәсми сайты
• Твиттердагы бите

Искәрмәләр

1. Элита (фр. élite — сайланган, иң яхшы) — дәүләт идарәсендә һәм икътисадта югары дәрәҗәләр биләүче шәхесләр берлеге
2. Ачыктан-ачык бирелгән яки яшерен реклама бәясе исәбенә нәшер ителә
3. Күрсәтелгән адресларга бушлай таратыла
4. Рубрикалар саннан-санга үзгәрергә мөмкин