Экология һәм табигатьне саклау музее (Яр Чаллы)

Викибирелмәләрнең буш элементы

Яр Чаллы Экология һәм табигатьне саклау музее
Чаллы тарих-туган якны өйрәнү музее эмблемасы
Нигезләү датасы	1999
Урын	Яр Чаллы, Үзәк район, Яңа шәһәр, 31/13, Шамил Усманов урамы, 19
Директор	Копытова Юлия Александровна
Сайт	https://museum-chelny.com/ https://vk.com/id384274419

Яр Чаллы шәһәренең Экология һәм табигатьне саклау музее (рус. Музей экологии и охраны природы г. Набережные Челны) ― Татарстанның Яр Чаллы шәһәрендә урнашкан мәдәният оешмасы (музей). 1999-2014 елларда мөстәкыйль оешма буларак эшләгән, 2014 елдан – Чаллы тарих-туган якны өйрәнү музее бүлеге. 2020 елда РФ һәм БДБ илләрендәге экология һәм табигать музейлары арасында 10-топ музей составына кергән.

Тарих

Яр Чаллының 50нче мәктәбе бинасы. Музей шул бинаның бер канатында урнашкан

1999 елның 25 декабрендә нигезләнгән[1]. Музейны булдыруның инициаторы – Бөтенроссия табигатьне саклау җәмгыятенең Чаллы бүлеге җитәкчесе Р. Ш. Асамова [2].

Музей «Татарстан Республикасы халкына экологик белем бирү» максатчан комплекслы программасын тормышка ашыру максатында оештырылган. Музей үзенең эшчәнлеге елларында Чаллы шәһәренә генә түгел, ә Кама буе төбәгенә дә экологик белем бирү, экологик мәдәният тәрбияләү һәм мәгариф үзәгенә әверелә.

2014 елның 17 июлендә Яр Чаллы шәһәр башкарма комитетының 4219нчы санлы карары белән Чаллы тарих-туган якны өйрәнү музее белән берләштерелә, әлеге музейның бер бүлеге буларак эшчәнлеген дәвам итә[3].

2020 елда Экология һәм табигатьне саклау музее Россиянең һәм элекке БДБ илләренең иң популяр һәм иң яхшы 10 табигать һәм экология музее арасына кергән[4]. Музей табигый һәм тарихи мирасны саклауга, экологик белем бирү һәм экологик мәдәният тәрбияләүгә зур өлеш кертә [5].

Бина

Яр Чаллының 50нче мәктәбе бинасы. Музейга керү юлы

Музей Яр Чаллы шәһәренең Үзәк районында, Яңа шәһәр, 31/13нче комплекс (Шамил Усманов урамы, 19нчы йорт) адресы буенча урнашкан 50нче мәктәпнең дүрт катлы бинасының бер канатында 4 залны алып тора [6].

Тасвирлама

Музейның 4 иркен залы бар. Экспозицияләрдә һәм бүлекләрдә борынгы заманнардан алып бүгенге көнгә кадәр биология, зоология, палеонтология, геология буенча экспонатлар тәкъдим ителә[4].

Музейда 4 бүлек эшли:

• «Флора»
• «Фауна»
• «Экология»
• «Туфрак һәм минераллар»

Музейда барлыгы 12 экспозиция булдырылган. 21 музей коллекциясе һәм төп фондларга караган 12 000нән артык экспонат теркәлгән.

Искәрмәләр

1. Музей экологии и охраны природы г. Набережные Челны ВКонтакте
2. Музей экологии и охраны природы г. Набережные Челны. 2022 елның 10 октябрь көнендә архивланган. Историко-краеведческий музей(рус.)
3. «Историко-краеведческий музей города Набережные Челны». Стркутура(рус.)
4. Набережночелнинский музей экологии и охраны природы рассказал о своей работе. Телекомпания «Чаллы-ТВ», 14.05.2020(рус.)
5. Азамат Хайрутдинов. Музей экологии и охраны природы г. Набережные Челны. 2022 елның 10 октябрь көнендә архивланган. Культурный дневник школьника, 9.10.2022(рус.)
6. Шамил Усманов урамы, 19нчы йорт. 2gis.ru

Сылтамалар

• Музей экологии и охраны природы г. Набережные Челны. 2022 елның 10 октябрь көнендә архивланган. vmuzey.com(рус.)
• Музей экологии и охраны природы г. Набережные Челны. ВКонтакте(рус.)
• Азамат Хайрутдинов. [Музей экологии и охраны природы г. Набережные Челны.] Культурный дневник школьника, 9.10.2022(рус.)
• Музей экологии и охраны природы. Наши Челны. Музеи Набережных Челнов

Моны да карагыз

• Чаллы тарих-туган якны өйрәнү музее

Яр Чаллының истәлекле урыннары
Чаллы туграсы