ആധുനിക തമിഴ് സാഹിത്യകാരന്മാരിൽ പ്രമുഖനാണ് നാഞ്ചിൽ നാടൻ എന്ന പേരിലെഴുതുന്ന ജി. സുബ്രമണ്യം(ജനനം :31 ഡിസംബർ 1947). കേന്ദ്ര സാഹിത്യ അക്കാദമി പുരസ്കാരം നേടിയിട്ടുണ്ട്.
ജീവിതരേഖ
കന്യാകുമാരി ജില്ലയിലെ വീര നാരായണമംഗലത്ത് ഗണപതിയാ പിള്ളൈയുടെയും സരസ്വതി അമ്മാളുടെയും മകനാണ്.[1][2] നാഞ്ചി നാട്ടുകാരൻ (കന്യാകുമാരി ജില്ലയിലെ അഗസ്തീശ്വരം, തോവാള താലൂക്കുകൾ ചേർന്നതാണ് നാഞ്ചിനാട്)എന്ന അർത്ഥത്തിലാണ് അദ്ദേഹം നാഞ്ചിൽ നാടൻ എന്ന തൂലികാ നാമം ഉപയോഗിക്കുന്നത്.[3] ഗണിതത്തിൽ ബിരുദാനന്ദര ബിരുദം നേടിയിട്ടുള്ള [4] ഇദ്ദേഹം കോയമ്പത്തൂരിലെ ബ്രോഡി ആൻഡ് കമ്പനിയിൽ ജോലി ചെയ്യുന്നു. ബോംബെ തമിഴ് സംഘത്തിന്റെ 'ഏട്' സാഹിത്യ മാസികയിൽ എഴുതിയാണ് നാഞ്ചിൽ സാഹിത്യ രംഗത്തെത്തുന്നത്. 1975 ൽ നാ. പാർത്ഥസാരഥിയുടെ ദീപം മാസികയിൽ വ്രതം എന്ന കഥയാണ് ആദ്യം പ്രസിദ്ധപ്പെടുത്തിയത്. 2002 ൽ നാഞ്ചിലിന്റെ തലൈകീഴ് വിഹിതങ്കൾ എന്ന നോവൽ ചൊല്ല മറന്ത കാതൽ എന്ന പേരിൽ സിനിമയാക്കപ്പെട്ടു.[5] 2010 ൽ ചൂടിയ പൂ ചുടർക എന്ന ചെറുകഥാ സമാഹാരത്തിന് കേന്ദ്ര സാഹിത്യ അക്കാദമിയുടെ ചെറുകഥക്കുള്ള പുരസ്കാരം ലഭിച്ചു.[6] നാഞ്ചിലിന്റെ എട്ടു ദിക്കും മദൈ യാനൈ എന്ന നോവൽ പഠിത്തുരൈ എന്ന പേരിൽ സിനിമയാക്കപ്പെട്ടു. .[7] ആറു നോവലുകളും രണ്ട് ചെറുകഥാ സമാഹാരങ്ങളും രണ്ട് കവിതാ സമാഹാരങ്ങളും പ്രസിദ്ധപ്പെടുത്തിയിട്ടുണ്ട്.[8] ഇംഗ്ലീഷ്, മലയാളം ഫ്രഞ്ച് ഭാഷകളിലേക്ക് നാഞ്ചിലിന്റെ കൃതികൾ പരിഭാഷപ്പെടുത്തപ്പെട്ടിട്ടുണ്ട്. നിരവധി സർവകലാശാലകളിൽ ഇവ പാഠപുസ്തകങ്ങളുമാണ്.[1]
കൃതികൾ
നോവലുകൾ
തലൈകീഴ് വിഹിതങ്കൾ
മാംസപടൈപ്പ്
Enbiladanai veyilkayum
മിതവൈ
എട്ടു ദിക്കും മദൈയാനൈ
സതുരംഗ കുതിരൈകൾ
കഥാ സമാഹാരങ്ങൾ
കോംബൈ(கோம்பை)
ദൈവങ്ങൾ ആടുകൾ ഓനായ്കൾ
വാക്കുപൊറുക്കികൾ
ഉപ്പ്
പേക്കൂത്ത്
ഭ്രാന്ത്
ചൂടിയ പൂ ചുടർക
കൊങു തെർ വാഴ്ക്കൈ
കവിതാ സമാഹാരം
മണ്ണുള്ളി പാമ്പ്
പച്ചൈ നായകി
വഴുക്കുപ്പരൈ
കഥാതേരം
നാഞ്ചില്ല് നാട്ട് വെള്ളാറ്കളിന് വാഴ്കൈ
നഞെന്ദ്രും അമുതെന്ദ്രും ഒന്ദ്രു
നതിയിന് പിഴ്യന്ദ്രു നരുമ്പുനല്ല്ല ഇന്മൈ
തീതും നന്ദ്രും
തിഗംബ്രരം
കാവലന് കാവന് എനിന്
അംബരാതൂണി
അകം സുർക്കെല്
യെന്നപ്പഡി പാഡുവെനൊ?
2015 കൈമ്മന്ന് അലവു
പുരസ്കാരങ്ങൾ
ഇലക്കിയ സിന്തനൈ അവാർഡ്
തമിഴ്നാട് സർക്കാരിന്റെ നല്ല നോവലിനുള്ള സാഹിത്യ പുരസ്കാരം
