|
അമർ കാന്ത്പ്രശസ്തനായ ഒരു ഹിന്ദി സാഹിത്യകാരനാണ് അമർ കാന്ത് (ഇംഗ്ലീഷ്: Amar Kant) (1925 - 17 ഫെബ്രുവരി 2014). ജ്ഞാനപീഠമടക്കമുള്ള നിരവധി ബഹുമതികൾ ഇദ്ദേഹത്തിന് ലഭിച്ചിട്ടുണ്ട്. ജീവിതരേഖകിഴക്കൻ ഉത്തർപ്രദേശിലെ ബാലിയ ജില്ലയിലുൾപ്പെട്ട ഭഗദല്പൂർ ഗ്രാമത്തിൽ ജനിച്ച അമർ കാന്ത് ഒരു സ്വാതന്ത്ര സമര പോരാളി കൂടിയായിരുന്നു. അദ്ദേഹം തന്റെ ഔദ്യോഗിക ജീവിതം ആരംഭിക്കുന്നത് ഒരു പത്രലേഖകനായിട്ടാണ്. 1949-ൽ ഇദ്ദേഹത്തിന്റെ ആദ്യകഥയായ ബാബു പ്രസിദ്ധീകരിക്കപ്പെട്ടു. ഇദ്ദേഹത്തിന്റെ കൃതികളിൽ ഏറ്റവും പ്രശസ്തമായത് ഇൻഹിൻ ഹാതിയോരൺ എന്ന നോവലാണ്. ബാലിയ പ്രദേശത്തിന്റെ പശ്ചാത്തലത്തിൽ, ക്വിറ്റ് ഇന്ത്യാ പ്രക്ഷോഭം മുതൽ സ്വാതന്ത്യം വരെയുള്ള കാലഘട്ടത്തിലെ സംഭവങ്ങളെ കോർത്തിണക്കി എഴുതിയ ഈ നോവലിന് സാഹിത്യ അക്കാദമി പുരസ്കാരവും[1] വ്യാസ സമ്മാനും[2] ലഭിച്ചിട്ടുണ്ട്. സുഖാ പട്ട, കാലേ ഉജാലേ, ബിച്ച് കി ദിവാർ, ദേശ് കെ ലോഗ് എന്നിവ അമർ കാന്തിന്റെ മറ്റ് പ്രധാന കൃതികളാണ്. ഹതിയാരെ, ദോപഹർ ക ഭോജൻ, ദിപ്തി കലാക്താരി തുടങ്ങിയ അദ്ദേഹത്തിന്റെ ചെറുകഥകൾ പല സർവ്വകലാശാലകളുടെയും പഠനഗ്രന്ഥങ്ങളിൽ ഉൾപ്പെടുത്തിയിട്ടുണ്ട്.[1] തന്റെ മിക്ക കൃതികളിലേയും മുഖ്യപ്രമേയമായ ദാരിദ്ര്യത്തോടുള്ള മല്ലിടീൽ അമർ കാന്തിന്റെ സ്വജീവിതത്തിലും ആവർത്തിക്കപ്പെട്ടിട്ടുണ്ട്. ജീവിതദുരന്തം മൂലം തനിക്ക് ലഭിച്ച സാഹിത്യ അക്കാദമി അവാർഡ് വില്ക്കാൻ തയ്യാറാണെന്ന് ഒരിക്കൽ അമർ കാന്ത് പ്രഖ്യാപിച്ചത് വലിയ വാർത്തയായിരുന്നു.[3] 2009-ലെ ജ്ഞാന പീഠം പുരസ്കാരം മറ്റൊരു ഹിന്ദി സാഹിത്യകാരനായിരുന്ന ശ്രീലാൽ ശുക്ലയ്ക്കൊപ്പം ഇദ്ദേഹത്തിനും ലഭിച്ചു.[1] പുരസ്കാരങ്ങൾ
അവലംബം
|
Portal di Ensiklopedia Dunia
