Subprepektura ti Hidaka

Subprepektura ti Hidaka
Subprepektura ti Hapon
Ti pannakailadawan ti Subprepektura ti Hidaka
Ipakita ti mapa ti Subprepektura ti Hidaka Ipakita ti ladawan a mapa ti Subprepektura ti Hidaka Subprepektura ti Hidaka Ipakita ti mapa ti Hapon
Nagsasabtan: 42°10′21″N 142°46′5″E Nagsasabtan: 42°10′21″N 142°46′5″E
Pagilian	Hapon
Napundar	Abril 1, 2010
Kapitolio	Urakawa
Kalawa [1]
• Dagup	4,811.16 km^2 (1,857.60 sq mi)
Populasion  (Marso 31, 2018)
• Dagup	67,565
• Densidad	14/km^2 (36/sq mi)
Sona ti oras	UTC+09:00
Website	www.hidaka.pref.hokkaido.lg.jp

Ti pasdek ti opisina idiay Subprepektura ti Urakawa

Ti Subprepektura ti Hidaka (日高振興局, Hidaka-shinkō-kyoku) ket ti maysa a subprepektura ti Prepektura ti Hokkaido, Hapon. Ti laud a bangir ti banbantay ti Hidaka ket isu ti kaaduan a sakupen ti lugar. Awan unay ti populasion ti Hidaka ken addaan daytoy iti kaaduan kadagiti masna a rekurso ti Hokkaido. Ti opisina ti gobierno ket mabirukan idiay Urakawa.

Pakasaritaan

• 1897: Napundar ti Subprepektura ti Urakawa.
• 1932: Nanaganan manen ti Subprepektura ti Urakawa iti Subprepektura ti Hidaka.

Ti nagan a Hidaka ("kangato ti init") ket naala manipud iti probinsia iti isu met laeng a nagan a napundar idi 1869, ken nanaganan met iti maysa a di ammo a lugar iti Nihonshoki, ti maysa a libro iti pakasaritaan a naisurat idi 720. Awan ti dagus a koneksion a pagbaetan ti Hidaka iti Nihonshoki ken ti moderno a Hidaka.

Heograpia

Mabirukan iti abagatan-daya nga aplaya ti Hokkaido, ti Subprepektura ti Hidaka ket addaan iti kalawa iti 4,811.91 kuadrado kilometro (1,857.89 sq mi) ken mangaramid daytoy iti maika-7 a kadakkelan a subprepektura iti prepektura ken 5.8% iti dagup a kalawa ti Hokkaido. Ad-adu ngem 80% iti kalawa ket naabungotan iti bakir.

Beddengan ti prepektura ti Subprepektura ti Tokachi iti amianan iti ballasiw ti Banbantay Hidakas. Iti laud ket ti Subprepektura ti Iburi. Ti abagatan a bangir ti subprepektura ket ti bukodna nga aplaya iti Taaw Pasipiko.[2]

Ti Banbantay Hidaka ket ammo dagitoy a kas "Meka ti Panakalay-at ti Banbantay", nga agraman kadagiti ad-adu ngem 20 a banbantay a mairaman ti Bantay Poroshiri iti 2,052 metro (6,732 ft). Dagitoy a bantay ket parte ti Hidaka Sanmyaku-Erimo Quasi-National Park, a mangiraman ti komunidad ti muyongan ti alpino ti Bantay Apoi ken ti aplaya ti langa ti daga ti Rawis Erimo . Dagitoy a lugar ket addaan iti kaatapan a kas ti kayumanggi nga uso, sika nga ugsa, ken kadawyan a seal.[3]

Ti Subprepektura ti Hidaka

Dagiti ili ken dagiti purok babaen ti distrito

• Distrito ti Hidaka
  • Shinhidaka
• Distrito ti Horoizumi
  • Erimo
• Distrito ti Niikappu
  • Niikappu
• Distrito ti Samani
  • Samani
• Distrito ti Saru
  • Biratori
  • Hidaka
• Distrito ti Urakawa
  • Urakawa

Demograpia

Ti populasion ti Subprepektura ti Hidaka ket 81,407 kadagiti 33,996 a sangkabalayan.[2] Iti senso idi 2005, daytoy ket mangirepresenta ti 1.4% iti dagup a populasion ti Hokkaido. Ti populasion ti Hidaka ket immadu idi 1960. Ti agdama a populasion ket bimmassit iti 4,613 manipud iti kaudian a senso idi 2005.[4]

Dagiti nagibasaran

1. https://www.gsi.go.jp/KOKUJYOHO/MENCHO/backnumber/GSI-menseki20210101.pdf; panid: 9.
2. "Summary of Hidaka (日高の概要 Hidaka no Gaiyō)" (iti Hapon). Hokkaido Government, Hidaka Subprefectural Office. 2006. Naiyarkibo manipud iti kasisigud idi 2008-05-05. Naala idi 2008-06-20.
3. "Summary of Hidaka: Nature (日高の概要: 自然 Hidaka no Gaiyō: Shizen)" (iti Hapon). Hokkaido Government, Hidaka Subprefectural Office. 2006. Naiyarkibo manipud iti kasisigud idi 2006-06-21. Naala idi 2008-06-20.
4. "Summary of Hidaka: Population (日高の概要:人口 Hidaka no Gaiyō: Jinkō)" (iti Hapon). Hokkaido Government, Hidaka Subprefectural Office. 2006. Naiyarkibo manipud iti kasisigud idi 2006-06-21. Naala idi 2008-06-20.

Dagiti akinruar a silpo

Pakaammo ti panagbiahe idiay Subprepektura ti Hidaka manipud iti Wikivoyage (iti Ingles)

• Opisial a website (iti Hapon)