Ebetsu, Hokkaido

Ebetsu
Siudad ti Hapon
Ti pannakailadawan ti Ebetsu
Wagayway Selio
Ipakita ti mapa ti Ebetsu Ipakita ti ladawan a mapa ti Ebetsu Ebetsu Ipakita ti mapa ti Hapon
Nagsasabtan: 43°6′13″N 141°32′10″E Nagsasabtan: 43°6′13″N 141°32′10″E
Pagilian	Hapon
Napundar	Hulio 1, 1954
Kalawa [1]
• Dagup	187.38 km^2 (72.35 sq mi)
Populasion  (Disiembre 31, 2020)[2]
• Dagup	119,819
• Densidad	640/km^2 (1,700/sq mi)
Sona ti oras	UTC+09:00, Pagalagadan nga Oras ti Hapon
Kodigo ti lugar	11
Website	www.city.ebetsu.hokkaido.jp

Ti Ebetsu (江別市, Ebetsu-shi) ket ti maysa a siudad iti Subprepektura ti Ishikari, Hokkaido, Hapon.

Pakasaritaan

Ti Ebetsu ket kasisigud a nataengan babaen ti tattao a Hapon idi 1871, a naggapu manipud iti Prepektura ti Miyagi iti Honshu. Idi 1878, nangrugrugi a mapmapan ti militar iti lugar. Idi ti Gobierno ti Meiji, idi 1878, ket indesignadoda ti Hokkaido a kas parte ti Hapon, immadu dagiti immak-akar iti daytoy a lugar. Nakaala ti Ebetsu iti kasaad nga ili idi 1916 ken iti kasasaad a siudad idi 1954. Kadagiti las-ud ti tawen ti 1960 ken 1970, ti umad-adu a populasion ti Sapporo ket isu ti nakaiturongan ti iyaadu ti populasion ti Ebetsu. Idi 1991, nakaabot ti populasion ti siudad iti 100,000 a tattao.

Ti nagan nga Ebetsu ket naala manipud iti Ainu a nagan ti Karayan Chitose nga agayus iti Karayan Ishikari iti siudad. Segun ken ni John Batchelor iti bukodna nga "An Ainu-English Dictionary" (chapter 1, section V: Place Names Considered) tinagan idi nga Ainu ket E-pet wenno "nakatkataw a karayan" a naibatay iti nalidem a marisna.

Demograpia

Manipud idi 1, 2017, ti siudad ket addaan iti nakarkulo a populasion iti 119,086, kadagiti 56,325 a sangkabalayan,[3] ken ti densidad ti populasion iti 630 a tattao tunggal maysa a km². Ti dagup a kalawa ket 187.57 km².

Heograpia ken pagluganan

Ti kaaduan a komersia nga Ebetsu ket adda iti wenno iti dagus a kaarrubayan ti Rota 12 (agtaray iti amianan-abagatan babaen ti ili). Dagiti akin-amianan a patingga ti ili ket markaan babaen ti Karayan Ishikari, ti akin-abagatan a sub-siudad ti Oasa babaen ti pagbeddengan ti Ebetsu iti Sapporo. Daytoy ket beddenganna dagiti patingga ti siudad ti Kitahiroshima, Iwamizawa, Nanporo, Tōbetsu, ken Shinshinotsu.

Ti Ebetsu ket agarup a 16 km manipud iti puseg ti ili ti Sapporo. Daytoy ket maserrekan babaen ti Hokkaido Expressway, babaen ti Chūō wenno dagiti linia ti bus ti JR Hokkaidō, wenno babaen ti linia ti tren ti Asahikawa-Hakodate nga agarup a sumurot iti Rota 12 babaen ti ili (kadagiti estasion ti Oasa, Nopporo, Takasago, ken Ebetsu), ket tumipon iti amianan a laud-abagatan a daya nga agtartaray a nangruna a linia a sumakop manipud iti Eropuerto ti Chitose aginggana iti Estasion ti Sapporo iti Shinsapporo (Baro a Sapporo, ti masa a distrito iti dakdakkel a metropolitano a Sapporo).

Ti dakkel nga Estado a Parke ti Bakir ti Nopporo (ti kadakkelan a parke ti birhen a kabakiran iti iti dalumpinas a rabaw ti daga iti lubong) ket adda iti likudan ti Unibersidad ti Rakunō Gakuen ti Ebetsu (ti immuna nga unibersidad iti Ebetsu, napundar idi 1949), a mangsakop iti 2015 nga ektaria iti napreserba a bakir. Gapu ti lokasion ti Ebetsu iti aproksimado a tengnga ti Tanap ti Ishikari (ti Siudad ti Sapporo ket ti akin-abagatan a laud a sakup), daytoy ket ammo a naangin iti amin a paset ti tawen.

Klima

Ti 10 a tawen nga agpakatengnga a temperatura para iti Ebetsu ket 7.1 a grado Celsius. Dagiti kapudotan ket kalamiisan a temperatura a nairehistron ket 34.5 °C ken -27.7 °C.[4]

Datos ti klima para iti Ebetsu, Hapon (2000~2010)
Bulan	Ene	Peb	Mar	Abr	May	Hun	Hul	Ago	Sep	Okt	Nob	Dis	Tawen
Rekord a kinangato °C (°F)	6.4 (43.5)	5.8 (42.4)	10.6 (51.1)	22.6 (72.7)	27.3 (81.1)	30.7 (87.3)	31.8 (89.2)	34.5 (94.1)	30.9 (87.6)	24.3 (75.7)	19.7 (67.5)	12.0 (53.6)	34.5 (94.1)
Napipia a kinangato °C (°F)	−2.0 (28.4)	−1.2 (29.8)	2.7 (36.9)	10.4 (50.7)	16.5 (61.7)	21.0 (69.8)	23.3 (73.9)	25.6 (78.1)	22.1 (71.8)	15.8 (60.4)	7.7 (45.9)	0.2 (32.4)	11.9 (53.4)
Inaldaw a pagtengngaan °C (°F)	−6.3 (20.7)	−5.6 (21.9)	−1.2 (29.8)	5.4 (41.7)	11.0 (51.8)	15.7 (60.3)	18.8 (65.8)	20.6 (69.1)	16.5 (61.7)	10.4 (50.7)	3.4 (38.1)	−3.6 (25.5)	7.1 (44.8)
Napipia a kinababa °C (°F)	−12.3 (9.9)	−11.6 (11.1)	−6.0 (21.2)	0.5 (32.9)	6.0 (42.8)	11.6 (52.9)	15.5 (59.9)	16.8 (62.2)	11.1 (52.0)	4.9 (40.8)	−0.9 (30.4)	−8.3 (17.1)	2.3 (36.1)
Rekord a kinababa °C (°F)	−26.1 (−15.0)	−25.8 (−14.4)	−21.2 (−6.2)	−9.8 (14.4)	−2.2 (28.0)	2.7 (36.9)	8.0 (46.4)	7.8 (46.0)	1.5 (34.7)	−4.6 (23.7)	−11.8 (10.8)	−24.2 (−11.6)	−26.1 (−15.0)
Napipia a presipitasion mm (pulgada)	69.6 (2.74)	57.7 (2.27)	39.9 (1.57)	37.4 (1.47)	55.8 (2.20)	71.2 (2.80)	117.7 (4.63)	114.8 (4.52)	113.1 (4.45)	90.7 (3.57)	88.6 (3.49)	70.8 (2.79)	929.3 (36.59)
Pagtengngaan a binulan nga or-oras ti lawag iti init	92.9	109.4	151.9	175.7	202.3	183.9	145.0	162.3	172.0	146.6	97.1	83.0	1,723.3
Taudan: Japan Meteorological Agency[5]

Kabsat a siudad ken pannakigayyem a siudad

Kasay a siudad

• Gresham, Oregon, Estados Unidos (manipud idi 1977)[6]

Pannakigayyem a siudad

• Tosa, Kōchi, Hapon (manipud idi 1978)

Edukasion

Dagiti unibersidad

• Unibersidad ti Pakaammo ti Hokkaido
• Unibersidad ti Rakunō Gakuen
• Unibersidad ti Sapporo Gakuin
• Unibersidad ti Hokushō

Dagiti High School

Publiko

• Hokkaido Ebetsu High School
• Hokkaido Nopporo High School
• Hokkaido Ooasa High School

Pribado

• Ritsumeikan keisho High School
• Towanomori San-ai High School

Dagiti nagibasaran

1. https://www.gsi.go.jp/KOKUJYOHO/MENCHO/backnumber/GSI-menseki20210101.pdf; panid: 7.
2. "住民基本台帳人口・世帯数 ｜ 総合政策部計画局統計課"; naala idi: Pebrero 12, 2021.
3. "Opisial a website ti Siudad ti Ebetsu" (iti Hapon). Hapon: Siudad ti Ebetsu. Naala idi 16 Mayo 2017.
4. "江別市の概要 気象 江別市". Naiyarkibo manipud iti kasisigud idi 2013-06-30. Naala idi 2018-09-25.
5. 江別(2000~2010) [Ebetsu] (iti Hapon). Japan Meteorological Agency. Marso 2013. Naala idi Marso 25, 2013.
6. "Kabsat a siudad ken pannakigayyem a siudad ti Ebetsu". Naiyarkibo manipud iti kasisigud idi 2015-10-21. Naala idi 2018-09-25.

Dagiti akinruar a silpo

• Opisial a website (iti Hapon)