Esashi, Hokkaido (Sōya)

Daytoy nga artikulo ket maipanggep iti ili ti Subprepektura ti Sōya, Hokkaido. Para iti ili ti Subprepektura ti Hiyama, Hokkaido, kitaen ti Esashi, Hokkaido (Hiyama).

Esashi
Ili ti Hapon
Ti pannakailadawan ti Esashi
Wagayway Eskudo
Ipakita ti mapa ti Esashi Ipakita ti ladawan a mapa ti Esashi Esashi Ipakita ti mapa ti Hapon
Nagsasabtan: 44°56′19″N 142°34′53″E Nagsasabtan: 44°56′19″N 142°34′53″E
Pagilian	Hapon
Napundar	Oktubre 1, 1947
Kalawa [1][2]
• Dagup	1,115.93 km^2 (430.86 sq mi)
Populasion  (Disiembre 31, 2020)[3]
• Dagup	7,858
• Densidad	7.0/km^2 (18/sq mi)
Sona ti oras	UTC+09:00
Website	www.esashi.jp

Ti Esashi (枝幸町, Esashi-chō) ket ti ili iti Subprepektura ti Sōya, Hokkaido, Hapon.

Manipud iti Septiembre 2016, ti nakarkulo a populasionna ket 8,578 ken ti kalawan ket 1,115.67 kuadrado kilometro (430.76 kuadrado milia).

Nagtaud ti nagan manipud iti Ainu a balikas iti Esaushi, a ti kayatn a asawen ket "rawis" (iti heograpiko a kapanunotan).[4][5]

Heograpia

Mabirukan ti Esashi iti abagatan a daya nga ungto ti Subprepektura ti Sōya. Sanguen ti ili ti Baybay ti Okhotsk iti daya, ti ili ti Utanobori iti laud, ti ili ti Bifuka iti abagatan a laud, ti Ōmu iti abagatan, ken ti Hamatonbetsu iti amianan. Ti akin-abagatan a pagbeddengan ti siudad ket namarkaan babaen ti Karayan Toinai, ken iti amianan ket namarkaan babaen ti Rawis Kamui.[6]

Dagiti pagtaengan a distrito ti Esashi ket addada iti atiddog, akikid a pirgis iti aplaya a sumakop manipud iti amianan aginggana iti abagatan; 67.08% iti ili ket kabakiran, 14.7% ket di nausar a daga ti tanap, ken .44% laeng iti ili ket buklen ti pagtaengan a daga.[6]

Pakasaritaan

Napundar ti Distrito ti Esashi idi 1869 iti Probinsia ti Kitami (1868–1882), ti di nagpaut a probinsia iti amianan ti Hokkaido. Ti distrito ket historikal a babaen ti turay ti Dominio ti Kaga iti Honshu; nagpatingga daytoy a turay idi 1870.[7][8][9]

Daytoy ket buklen idi dagiti uppat a purok: ti Esashi, Tonbetsu, Utanobori ken ti Purok ti Rebun (礼文村, saan a mainaig iti ili ti Rebun iti Isla Rebun). Idi napundar ti maysa a munisipo para kadagiti tallo apurok idi Septiembre, 1891.

• Abril, 1909 :nagbalin a maikadua a klase a munisipalidad ti Purok ti Esashi
• Abril, 1916 :simmina ti Purok ti Tonbetsu (itan ket ti Ili ti Hamatonbetsu)
• Abril, 1923 :nagbalin nga umuna a klase a munisipalidad ti Esashi
• Septiembre, 1939: simmina ti Purok ti Utanobori (itan ket maysa nga ili)
• Oktubre, 1947: nagbalin iti kasaad nga ili ti Esashi
• Idi Marso 20, 2006, ti ili ti Utanobori ket naitipon iti Esashi iti maikadua a beses.[4][6]

Dagiti nagibasaran

1. "平成30年全国都道府県市区町村別面積調" (PDF). Naala idi Marso 23, 2019.
2. https://www.gsi.go.jp/KOKUJYOHO/MENCHO/backnumber/GSI-menseki20210101.pdf; panid: 8.
3. "住民基本台帳人口・世帯数 ｜ 総合政策部計画局統計課"; naala idi: Pebrero 12, 2021.
4. "枝幸（町）" [Esashi]. Nihon Daihyakka Zensho (Nipponika) (iti Hapon). Tokyo: Shogakukan. 2013. OCLC 153301537. Naiyarkibo manipud iti kasisigud idi 2007-08-25. Naala idi 2013-09-06.
5. 枝幸町の給与・定員管理等について (PDF) (iti Hapon). Esashi, Hokkaido: Town of Esashi. 2011. Naiyarkibo manipud iti kasisigud (PDF) idi 2016-03-04. Naala idi 2013-09-06.
6. "枝幸町" [Esashi]. Nihon Rekishi Chimei Taikei (iti Hapon). Tokyo: Shogakukan. 2013. OCLC 173191044. Naiyarkibo manipud iti kasisigud idi 2007-08-25. Naala idi 2013-09-09.
7. "北見国" [Kitami Province]. Kokushi Daijiten (iti Hapon). Tokyo: Shogakukan. 2013. OCLC 683276033. Naiyarkibo manipud iti kasisigud idi 2007-08-25. Naala idi 2013-09-09.
8. "枝幸" [Esashi]. Nihon Kokugo Daijiten (iti Hapon). Tokyo: Shogakukan. 2013. OCLC 56431036. Naiyarkibo manipud iti kasisigud idi 2007-08-25. Naala idi 2013-09-10.
9. "枝幸郡" [Esashi District]. Kokushi Daijiten (iti Hapon). Tokyo: Shogakukan. 2013. OCLC 683276033. Naiyarkibo manipud iti kasisigud idi 2007-08-25. Naala idi 2013-09-09.

Dagiti akinruar a silpo

• Dagiti midia a mainaig iti Esashi, Hokkaidō (Sōya) iti Wikimedia Commons
  
• Opisial a website (iti Hapon)