Nailian a Parke ti Napudot nga Ubbog ti Guadalupe Mabugnao Mainit

Nailian a Parke ti Napudot nga Ubbog ti Guadalupe Mabugnao Mainit
Kategoria V ti IUCN (nasalakniban a ladawan ti daga/ladawan ti baybay)
Lokasion	Cebu, Filipinas
Kaasitgan a siudad	Siudad ti Cebu, Cebu, Filipinas
Nagsasabtan	10°08′23″N 123°36′45″ENagsasabtan: 10°08′23″N 123°36′45″E
Kalawa	57.50 nga ektaria (142.1 acre)
Nabangon	Hunio 17, 1972
Mangituray a bagi	Departamento ti Enbironmento ken dagiti Masna a Rekurso

Ti Nailian a Parke ti Napudot nga Ubbog ti Guadalupe Mabugnao Mainit ket nasalakniban a lugar iti Filipinas a mabirukan idiay Baranggay Guadalupe idiay Carcar, Cebu, iti 50 kilometro manipud iti probinsial a kapitolio ti Siudad ti Cebu. Ti parke ket sakupenna ti kalawa iti 57.50 nga ektaria[1] ket mangsaksakop iti maysa a nangruna a reserba ti taudan ti danum ti bakir iti tengnga a kabambantayan ti Mantalongon. Daytoy ket nairangarang a nailian a parke idi 1972 babaen ti Republika Tignay Blng. 6429.[2]

Ti parke ken kankanayon a papanan dagiti inaldaw nga agbisbisita para kadagiti napudot nga ubbogna nga ayan pay dagiti napadur-as a balay a bassit ken paglanguyan. Dagiti kasla tao ti kadakkelna nga estatua dagiti santo kenni Kristo ken mairaman pay ni Santo Niño de Cebú ket nainayon payen kadagiti pagawisan a pagpasiaran dagiti turista. Ti pay maysa a dalan iti ngato ti turod ket pagturongan dagiti saan a basbassit ngem tallo a kueba, ti kaaduan a nasuksukimat ket ti Kueba Lorett ken Kueba Moymoy. Iti asideg ti Kueba Lorett ket ti sabali pay nga ubbog ken dagiti uppat a karayan. Ti parke ket aglaon pay iti penned a mangipaay ti danum para iti Carcar.[3]

Dagiti nagibasaran

1. "Rehion 7 – Nasalakniban a Luglugar". Departamento ti Enbironmento ken dagiti Masna a Rekurso – Nasalakniban a Luglugar ken Opisina ti Kaatapan. Naiyarkibo manipud iti kasisigud idi 2012-03-20. Naala idi 15 Hunio 2012. Naiyarkibo 2012-03-20 iti Wayback Machine
2. "R.A. No. 6429". PhilippineLaw.info. Naiyarkibo manipud iti kasisigud idi 2013-04-24. Naala idi 15 Hunio 2012. Naiyarkibo 2013-04-24 iti Wayback Machine
3. "Sistema ti Danum". Ti Siudad a Gobierno ti Carcar. Naiyarkibo manipud iti kasisigud idi 2012-10-10. Naala idi 15 Hunio 2012. Naiyarkibo 2012-10-10 iti Wayback Machine

Kitaen pay

• Listaan dagiti nailian a parke ti Filipinas

Dagiti akinruar a silpo

• Kueba ti Mabugnao ken Mainit Naiyarkibo 2012-06-04 iti Wayback Machine
• Kueba Lorett Naiyarkibo 2012-01-16 iti Wayback Machine
• Kueba Moymoy Naiyarkibo 2012-01-16 iti Wayback Machine