Chamelaucium uncinatum

Chamelaucium uncinatum
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Chamelaucium
Sebbangan:	C. uncinatum
Dua a nagan
Chamelaucium uncinatum Schauer

Ti Chamelaucium uncinatum, kadawyan nga ammo iti Ingles a kas Geraldton waxflower ken Geraldton wax, ket ti agsabsabong a mula nga endemiko iti Akinlaud nga Australia. Daytoy ket maysa a nalinteg a bassit a mula iti katayag iti 0.5 aginggana iti 4 m, agpataud kadagiti puraw wenno derosas a sabong iti Hunio–Nobiembre. Ti kayat a sawen ti nagan nga uncinatum ket "kimmawit" iti Latin, a mangibaga kadagit iungto ti bulong.

Dagiti sabong ket (kapadpada bassit ti kayo a tsa) ket relatiboda a napaut kalapsan ti panagputed, a makaaramid daytoy a popular iti hortikultura. Daytoy ket adu a naimulmula iti amin a paset ti Australia, kadagiti hardin ti balay ken iti industria ti naputed a sabong. Napadur-asen dagiti kultibar ti mula nga agsabong iti purpura.

Pannagimuyong

Daytoy ket natibker ken nalaka a mapatubo iti klima a Mediteraneo kadagiti nasayaat a maatianan a nadarat a daga ken ti maysa a nainit a lugar. Daytoy ket mabalin a maimula kadagiti lugar iti nakarkaro a dam-eg, kas iti Sydney, ngem saan met unay nga agpaut iti biagna. Nasayaat pay daytoy kadagiti masetera. Daytoy ket nalaka a matuang ken makasapul iti tungkal. Daytoy ket nasayaat a makaibtur iti tikag ken nabanglo dagiti bulongna.

Dagiti pannakailassinna iti katibker ket nakaiturongan daytoy iti pannakausarna a kas sebbangan a mapatubo iti ramut para kadagiti maisulbong a sebbangan kadagiti asideg a kabagian a featherflowers iti henero ti Verticordia.[1]

Dagiti sabali a kita

Adda dagiti sabali a kita amabalin a magun-od iti komersio, a nanaganan para kadagiti maris ken kadagiti panawen ti nasapa/naladaw a panagsabong. Iti kaatapan, kadawyan daytoy a puraw nga agraman kadagiti nadumaduma a maris ti mauve. Ti naun-uneg a purpura ket mangbukel (nailadawan dita baba) kadagiti napili a kita a komersial a mapropagado:

• Chamelaucium "Early Purple"
• Chamelaucium "Purple Pride"

Dagiti nagibasaran

Bulbulong ken sabsabong ti Chamelaucium uncinatum.

1. Max Hewett (Disiembre 1995). "Verticordia in the Garden". Australian Plants online – June 2003. Association of Societies for Growing Australian Plants. Naiyarkibo manipud iti kasisigud idi 2007-12-12. Naala idi 2008-01-06. From Australian Plants, the societies journal. Max Hewett is leader of ASGAP's Verticordia Study Group.

• "Chamelaucium uncinatum". Association of Societies for Growing Australian Plants. Naiyarkibo manipud iti kasisigud idi 2007-09-01. Naala idi 2008-04-12.

Dagiti akinruar a silpo

Dagiti midia a mainaig iti Chamelaucium uncinatum iti Wikimedia Commons

• "Chamelaucium uncinatum". FloraBase. Western Australian Government Department of Parks and Wildlife.
• Paczkowska, Grazyna; Chapman, Alex R. (2000). The Western Australian Flora – A Descriptive Catalogue. Wildflower Society of Western Australia (Inc.). ISBN 0-646-40100-9.