Chamelaucium

Chamelaucium
Chamelaucium uncinatum
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Subpamilia:	Myrtoideae
Tribu:	Chamelaucieae
Henero:	Chamelaucium Desf.
Sebbangan-kita
Chamelaucium ciliatum Desf.
Dibersidad
Agarupo a 30 a sebbangan.

Ti Chamelaucium, ammo a kas waxflower iti Ingles, ket ti henero dagiti bassit a mula nga endemiko iti abagatan akinlaud nga Akinlaud nga Australia. Maitagikua dagitoy iti pamilia ti mirtus iti Myrtaceae ken addaan kadagiti sabong a kapada ti Leptospermum. Ti kaaduan nga ammo a sebbangan ket ti Chamelaucium uncinatum, nga adu a naimulmula para kadagiti dakkel a napintas a sabong.

Deskripsion

Dagiti mula iti henero ti Chamelaucium ket natarikayo a kankanayon a berde a bassit a mula a sumakop manipud iti 15 cm (6 in) aginggana iti 3 m (10 ft) iti katayag. Dagiti bulong ket bassit-usit aginggana iti kalalainganna iti kadakkel ken naurnos nga agsungani kadagiti ungkay. Aglaonda kadagiti glandula ti lana ken aromatikoda,[1] masansan a mangited iti nabanglo nga ayamuom no mataltal. Dagiti sabong ket bassit nga agraman kadagiti lima a petalo, dagiti sangapulo nga estambre, ken a sarunuen babaen ti bassit a natangken a bunga.[2]

Taksonomia

Immuna nga impalawag ti henero babaen ni Pranses a botaniko René Louiche Desfontaines idi 1819.[3] Ti nalawag ti nakaalaan ti nagan. Dagitoy ket kadawyan nga ammo iti Ingles a kas dagiti waxplant,[1] wenno wax flowers manipud iti naallid a rikna dagiti petalo.[2] Adda dagiti sangapulo ket uppat a sebbangan nga agdama a mabigbig iti kaunegan ti henero. Daytoy ket mangited iti naganna kadagiti bilang dagiti asideg a kabagian a henero, a kolektibo nga ammo a kas kumadduan ti Chamelaucium iti kaunegan ti pamilia ti Myrtaceae; dagiti dakkel a kameng ket mairaman ti Verticordia, Calytrix, Darwinia, Micromyrtus, Thryptomene ken Baeckea.[4]

Dagiti sebbangan

Dagiti sebbangan ket mairaman dagiti sumaganad:[5]

• Chamelaucium axillare F.Muell. ex Benth. – Esperance waxflower
• Chamelaucium brevifolium Benth.
• Chamelaucium ciliatum Desf.
• Chamelaucium confertiflorum Domin
• Chamelaucium drummondii (Turcz.) Meisn.
• Chamelaucium gracile F.Muell.
• Chamelaucium heterandrum Benth.
• Chamelaucium marchantii Strid
• Chamelaucium megalopetalum F.Muell. ex Benth – Large waxflower
• Chamelaucium micranthum (Turcz.) Domin
• Chamelaucium pauciflorum (Turcz.) Benth.
• Chamelaucium uncinatum Schauer – Geraldton waxflower, Geraldton wax
• Chamelaucium virgatum Endl.

Pannakaiwarwaras ken habitat

Maigawid iti abagatan laud ti Akinlaud nga Australia, ti sebbangan ti Chamelaucium ket kaaduan nga agtubo kadagiti komunidad ti pagtubuan ti babassit a mula nga agtubtubo iti darat iti asideg ti aplaya wenno iti akin-uneg a daga, ken dagiti bunton ti granito. Adda met dagiti agtubo kadagiti namaga bassit a klima.[2]

Panangimuyong

Iti panangimuyong, nasayaatda nga agtubo kadagiti namagmaga a klima nga addaan iti nasayaat a panagatian ken nainit. Makaibturda iti nayelo a linnaaw ken tingkag, ngem sensitibo met iti Phytophthora cinnamomi.[2] Ti kaaduan nga ammo ken kaaduan a naimulmula a kameng iti henero ket ti C. uncinatum, nga adu a naimulmula kadagiti hardin iti ballasiw ti akin-abagatan nga Australia, ken para kadagiti industria ti sabong iti Estados Unidos ken Israel.[6]

• 
  Chamelaucium uncinatum
• 
  Chamelaucium ciliatum

Dagiti nagibasaran

1. "Chamelaucium". FloraBase. Western Australian Government Department of Parks and Wildlife.
2. Elliot RW, Jones DL, Blake T (1984). Encyclopaedia of Australian Plants Suitable for Cultivation:Volume 3 – Ce-Er. Port Melbourne: Lothian Press. pp. 15–16. ISBN 0-85091-167-2.
3. "Chamelaucium Desf". Australian Plant Name Index (APNI), datos a batayan ti IBIS. Sentro para iti Biodibersidad a Panagsukisok ti Mula, Gobierno ti Australia.
4. "Chamelaucium and its Relatives – Background". Australian Native Plants Society (Australia). Naiyarkibo manipud iti kasisigud idi 2016-06-30. Naala idi 25 Septiembre 2010.
5. "Chamelaucium". The Plant List. 19 Nobiembre 2012. Naiyarkibo manipud iti kasisigud idi 2020-04-06. Naala idi 2020-02-10.
6. Stewart, Angus (2001). Gardening on the Wild Side. Sydney: ABC Books. p. 145. ISBN 0-7333-0791-4.

• "Chamelaucium uncinatum". Australian Native Plants Society (Australia). Naiyarkibo manipud iti kasisigud idi 2007-09-01. Naala idi 2008-04-12.
• Wilson, Peter G., O'Brien, Marcelle M., Gadek, Paul A., and Quinn, Christopher J. 2001. "Myrtaceae Revisited: A Reassessment of Infrafamilial Groups". American Journal of Botany 88 (11): 2013–2025. Available online (pdf file).