Wikispecies

Wikispecies

Ala ti iskrin iti species.wikimedia.org idi 3 Mayo 2011
Kita ti sitio	Direktorio ti sebbangan
Agtagikua	Pundasion ti Wikimedia
Nagpartuaat	Benedikt Mandl (insingasing ti proyekto idi 2004); Jimmy Wales ken ti komunidad ti Wikimedia
URL	species.wikimedia.org
Komersial	Saan
Rehistrasion	Pagpilian

Ti Wikispecies ket ti maysa nga online a proyekto a naibatay iti wiki a sinuportaran babaen ti Pundasion ti Wikimedia. Mangigandat daytoy nga agpartuat iti komprehensibo a nawaya a linaon a katologo iti amin a sebbangan; ti proyekto ket naiturong kadagiti, imbes nga iti kadawyan a publiko. Imbagbaga ni Jimmy Wales a dagiti editor ket saanda a nasken nga i-fax dagiti gradoda, ngem dagiti panangited ket nasken a mapasingkedan iti maysa a teknikal nga agbuybuya.[1][2] Magun-od ti Wikispecies babaen ti GNU Free Documentation License ken ti CC BY-SA 3.0.

Nairugi idi Septiembre 2004, kadagiti biologo iti amin a paset iti lubong a maimbitaran nga agparawad,[3] naindaklanen ti proyekto iti maysa batayan a mangbukel iti Linnaeano a taksonomia nga agraman kadagiti silpo dagiti artikulo iti Wikipedia kadagiti indibidual a sebbangan babaen idi Abril 2005.[2]

Pakasaritaan

Inturturong ni Benedikt Mandl dagiti ganetget dagiti nadumaduma a tattao a nagkaykayat a mairaman iti proyekto ken kinontakda dagiti mabalin nga agsuporta idi nasapa a kalgaw ti 2004. Naipategan dagiti database ken nakontak dagiti administrador, adda met kadagita iti timmunos a mangited iti datosda para iti Wikispecies. Nangipalawag ni Mandl kadagiti dua a nangruna nga obra:

1. Kitaen no kasano a maipresenta dagiti linaon ti data base—babaen ti panagsaludsod kadagiti eskperto, dagiti mabalin a saan a propesional nga agar-aramat ken ti panangiyasping dayta kadagiti adda metten a database
2. Kitaen no kasano iti panagaramid iti sopwer, no ania ti nasken a hardware ken no kasano a puonan—babaen ti panagsaludsod kadagiti eskperto, panagbiruk kadagiti kadua boluntario ken dagiti mabalin nga esponsor

Adu a natungtungan dagiti pagimbagan ken dagiti di pagimbagan babaen ti wikimedia-I mailing list. Nagbutos ti board dagiti direktor ti Pundasion ti Wikimedia babaen ti 4 iti 0 a nagparabor iti pannakaipatakder ti Wikispecies. Nairugi ti proyekto idi Agosto 2004 ken naibalayan iti species.wikimedia.org. Daytoy ket opisial a naitipon iti kabsat a proyekto ti Pundasion ti Wikimedia idi Septiembre 14, 2004.

• Idi Oktubre 10, 2006, nasurokan ti proyekto dagiti 75,000 nga artikulo.
• Idi Mayo 20, 2007, nasurokan ti proyekto dagiti 100,000 nga artikulo iti dagup a 5,495 dagiti nakarehistro nga agar-aramat.
• Idi Septiembre 8, 2008, nasurokan ti proyekto dagiti 150,000 nga artikulo iti dagup a 9,224 dagiti nakarehistro nga agar-aramat.
• Idi Oktubre 23, 2011, naabotan ti proyekto dagiti 300,000 nga artikulo.
• Idi Hunio 16, 2014, naabotan ti proyekto dagiti 400,000 nga artikulo.
• Idi Enero 7, 2017, naabotan ti proyekto dagiti 500,000 nga artikulo.
• Idi Oktubre 30, 2018, naabotan ti proyekto dagiti 600,000 anga artikulo, ken iti dagup a 1.12 a riwriw apampanid.[4]

Ti Wikispecies ket mangbukel kadagiti panid ti takson, ken maipatinayon pay dagiti panid a maipanggep kadagiti sinonimo, dagiti autoridad ti takson, dagiti pablaak a maipanggep iti taksonomia, ken dagiti patakder wenno dagiti repositorio nga agtengtenggel iti kita ti espesimen.[5]

Dagiti annuroten

Imbaldado ti Wikispecies ti lokal a panagikarga iti ladawan ken agkidkiddaw kadagiti agar-aramat nga agusar kadagiti ladawan manipud iti Wikimedia Commons. Saan nga agipalubos ti Wikispecies ti agusar iti linaon a saan a maitunos iti nawaya a lisensia.

Kitaen pay

• All Species Foundation
• Catalogue of Life
• Encyclopedia of Life
• Tree of Life Web Project
• List of online encyclopedias
• The Plant List

Dagiti nagibasaran

1. "Calling all taxonomists". Science. 307 (5712): 1021. 2005. doi:10.1126/science.307.5712.1021a.
2. "WikiSpecies". American Scientist Online. Sigma Xi. 25 Abril 2005. Naiyarkibo manipud iti kasisigud idi 30 Abril 2005. Naala idi 3 Pebrero 2014.
3. Peplow, Mark (2005). "Species list reaches half-million mark". Nature. doi:10.1038/news050314-6.
4. Estadistika ti Wikispecies
5. Wikispecies psge types

Dagiti akinruar a silpo

• Wikispecies, Ti nawaya a direktorio ti sebbangan a maurnos ti sino man
• Pagserrekan ti Komunidad
• The Wikispecies Charter