Baeckea gunniana

Baeckea gunniana
Ladawan ti Baeckea gunniana iti Unibersidad ti Tasmania
Kasasaad ti panagay-aywan
Kabassitan a pakadanagan  (IUCN 3.1)
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Myrtales
Pamilia:	Myrtaceae
Henero:	Baeckea
Sebbangan:	B. gunniana
Dua a nagan
Baeckea gunniana Schauer ex Walp.
Mapa ti pannakaiwarwaras ti Baeckea gunniana

Ti Baeckea gunniana, kadawyan nga ammo iti Ingles a kas alpine baeckea, ket ti sebbangan ti kompakto, nasamek sangsanga a kankanayon a berde a bassit a mula, nga agtubo iti alpino ken sub-alpino ti Australia[1]. Ti Baeckea ket ti henero dagiti agsabsabong a mula iti pamilia ti myrtus iti Myrtaceae a buklen dagiti 14 a sebbangan a mabirukan iti akindaya nga Australia ken Asia[2].

Deskripsion

Ti Baeckea gunniana ket ti maysa a nalamuyot, kompakto a bassit a mula nga agtubo iti katayag iti 1.5 m , ngem makaabot met daytoy aginggana iti 2 m kadagiti ab-ababa nga altitud[3]. Daytoy ket sagpaminsan a kumalatkat wenno dumalapdap kadagiti bato ken dagiti dakkel a bato[4]. Dagiti bassit a sanga ket kayumanggi nga agraman iti nadalumpinas a parte iti napapel wenno linabag nga ukis ti kayo[2]. Bassit dagiti bulong (2-4 mm iti kaatiddog; 0.6-0.8 mm iti kaakaba) ken nasamek, arinduyog aginggana iti immitlog iti sukog nga addaan iti nangudel a patingga[3], ken agraman kadagiti intero a paraigid ken dagiti pesiolo c. 0.5 mm iti kaatidog[2]. Puraw dagiti sabong, bassit ken adu, solitario a rummuar kadagiti akinngato nga axil ti bulong[5]. Trianggulo dagiti sepalo ken saan a timmirad, ti korola ket 4–5 mm in iti diametro ken dagiti nagtimbukel a petalo ket c. 1–1.8 mm iti kaatiddog. Dagiti estambre ket 4–6, ken saan a kasumbangir dagiti petalo. Ti iitlogan ket addaan iti bugbugtong a locule. Ti estilo ket terete ken naitudok bassit iti tuktok ti iitlogan[3]. Ti Ti unilocular nga iitlogan, ti ayan ti agbitin a placenta ken ovules ket rikpan ti bugbugtong a kulanit, ken pakailasinan daytoy ti sebbangan ken naisangayan iti henero[2].

Ti bunga ket berde ken sukog tasa no naganos[5] ken natarikayo, aglukat a kapsula no mataengan[3]. Angular ken bassit dagiti bukel, narigat a makita no matnag iti daga[3][5]. Dagiti abbong ti bukel dagiti dadduma a sebbangan ti Baeckea ket nairehistrodan a mangbukel iti maysa a panglapped iti panagtubo iti bukel[3]. Mapatubo daytoy no ikkaten wenno suagatan daytoy a pannakabbong a mangpasayaat ti panagtubo ti bukel[3]. Mabalin pay a mapatubo ti B. gunniana babaen dagiti ungel manipud iti natangken bassit a mula.

Pannakaiwarwaras ken habitat

Maigawid ti pannakaiwarwaras kadagiti rehion ti alpino wenno sub-alpino, manipud iti Bantay Ginini iti ACT iti abagatan-laud ti Tasmania[3][2]. Ti Baeckea gunniana ket kaaduan kadagiti nangato nga altitud iti pagbaetan ti 1000 aginggana iti 1400 m. Nupay kasta, daytoy ket napaliiwen nga agtubo iti ngato ti 2000 m iti asideg ti Bantay Kosciusko, ken iti nababbaba ngem 450 m iti akinlaud a Tasmania[2]. Amin a sebbangan iti henero ti Baeckea ket mabirukan laeng iti Australia, malaksid iti sebbangan-kita, ti B. frutescens (L.), a mabirukan manipud iti akindaya nga Australia babaen ti Malesia aginggana iti Tsina[2].

Kadawyan a mabirukan nga agtubtubo ti Baeckea gunniana kadagiti sebbangan a kas ti Callistemon pityoides, Epacris paludosa, ken Empodisma minus, kadagiti pagtubuan ti babassit a mula wenno nabasa a sedgeland[2]. Kadawyan pay daytoy iti asideg dagiti waig, ken sagpaminsan kadagiti nalinongan a lugar iti sirok ti Eucalyptus spp[3].

Taksonomia ken pilohenio

Ti sebbanganket immuna apormal nga impalawag babaen ni Aleman a botaniko Johannes Conrad Schauer idi 1843.[6]

Ti kaasitgan a linia ti Myrtaceae sensu stricto ket ipresenta dagiti dua a nalasag ti bungana (Myrcianthes ken Acmena) ken tallo a namaga iti bunga a takson. Ti Angophora ken Backhousia ket kabsat a henero ti Baeckea, a maitagikua iti maysa a namaga ti bungana a linia ti Myrtaceae[7].

Dagiti usar ken panangimuyong

Makan dagiti bulong ti Baeckea ken masansan a kas pangsukat iti tsa gapu iti aromatiko a kasla citrusa nanam[1][8]. Dagiti yaon manipud iit B. gunniana ket nabirukannen a manglapped ti aktibidad ti ensimati DNA Polymerase[9]. Daytoy ket mangbukel iti integral a parte ti habitat ti Mastacomys fuscus habitat iti NSW, Australia, a mangited iti salaknib manipud kadagiti agsidsida ken dagiti sabali a dakkel nga agar-arab[8].

Dagiti puraw a sabong ti Myrtaceae ti Baeckea gunniana

Dagiti nagibasaran

1. "Key to Tasmanian Dicots". University of Tasmania. Naala idi 2019-11-28.
2. Bean, Anthony (1997). "A revision of Baeckea (Myrtaceae) in eastern Australia, Malesia and south-east Asia". Telopea. 7 (3): 245–268. doi:10.7751/telopea19971018. ISSN 0312-9764.
3. "Baeckea gunniana – Growing Native Plants" (iti Ingles). Australian National Botanic Gardens. Naala idi 2019-11-28.
4. Walsh; N. Entwisle; Timothy J. (1996). Flora of Victoria. Volume 3, dicotyledons Winteraceae to Myrtaceae. Inkata. ISBN 0-409-30852-8. OCLC 223634887.
5. "Flora of Victoria". vicflora.rbg.vic.gov.au. Naala idi 2019-12-04.
6. Australia, Atlas of Living. "Baeckea gunniana". bie.ala.org.au (iti Ingles). Naala idi 2019-12-04.
7. Conti, Elena; Litt, Amy; Wilson, Peter G.; Graham, Shirley A.; Briggs, Barbara G.; Johnson, L. A. S.; Sytsma, Kenneth J. (1997). "Interfamilial Relationships in Myrtales: Molecular Phylogeny and Patterns of Morphological Evolution". Systematic Botany. 22 (4): 629. doi:10.2307/2419432. ISSN 0363-6445. JSTOR 2419432.
8. Belcher, C.; Leslie, D. (2011). "Broad-toothed RatMastacomys fuscusdistribution in Buccleuch, Bago and Maragle State Forests, NSW". Australian Zoologist. 35 (3): 555–559. doi:10.7882/az.2011.007. ISSN 0067-2238.
9. Deng, Jing-Zhen; Starck, Shelley R.; Hecht, Sidney M. (2019). "DNA Polymerase β Inhibitors fromBaeckea gunniana". Journal of Natural Products. 62 (12): 1624–1626. doi:10.1021/np990240w. ISSN 0163-3864. PMID 10654412.