Plants for a Future

Ti Plants For A Future (PFAF) ket ti maysa nga online a saan a para iti ganansia a rekurso para kadagiti interesado kadagiti makan ken naserbi a mula, nga addaan iti pagtengngaan iti isip kadagiti temperado a rehion. Ti iyunay-unay ti gunglo ket dagiti perenial a mula.

Ti PFAF ket maysa a nairehistro a panursuro a karidad nga agraman kadagiti napigsa nga etiko a pamunganayan ken dagiti sumaganad a gandat:[1]

Ti gandat ti Karidad ket ti mangital-o ti panangisuro iti publiko babaen ti panangitandudo kadagiti amin nga aspekto iti ekolohiko a matalinaay a vegan-organic horticulture ken agrikultura nga addaan iti maysa a panangiyunau-unay kadagiti sebbangan ti kayo, babassit a mula ken dagiti sabali a perenial; ken ti panagaramid iti panagsukisok iti kasta a hortikultura ken agrikultura, ken ti panangiwaras kadagiti resulta iti kasta panagsukisok.[2]

Aglaon ti website iti maysa nga online a database kadagiti sumurok a 8000 a mula: dagiti 7000 a mabalin a maimula kadagiti temperado a rehion a mairaman ti UK, ken dagiti 1000 a mula para kadagiti tropikal a kasasaad.

Ti database ket kasisigud nga impatakder babaen ni Ken Fern tapno mairaman dagiti 1,500 a mula nga inmulana iti bukodna a 28 acre a pagsukisukan a sitio iti Abagatan a Laud ti Inglatera.

Manipud idi 2008, ti database ket tinartaripaton babaen ti administrador ti database nga empleado ti Plants For A Future Charity.

Dagiti pablaak

• Fern, Ken. Plants for a Future: Edible and Useful Plants for a Healthier World. Hampshire: Permanent Publications, 1997. ISBN 1-85623-011-2.
• Edible Plants: An inspirational guide to choosing and growing unusual edible plants. 2012 ISBN 9781481170017
• Woodland Gardening: Designing a low-maintenance, sustainable edible woodland garden. 2013. ISBN 9781484069165
• Edible Trees: A practical and inspirational guide from Plants For A Future on how to grow and harvest trees with edible and other useful produce. 2013. ISBN 9781493736102
• Plantes Comestibles: Le guide pour vous inspirer à choisir et cultiver des plantes comestibles hors du commun. 2014. ISBN 9781495914690
• Edible Perennials: 50 Top perennial plants from Plants For A Future. 2015.
• Edible Shrubs: 70+ Top Shrubs from Plants For A Future ISBN 9781791954949

Dagiti nagibasaran

1. Charity Commission. Plants for a Future, registered charity no. 1057719.
2. "Media Information 2010". Naiyarkibo manipud iti kasisigud idi 2021-11-25. Naala idi 2019-08-28.

Adu pay a mabasbasa

• Plants for a Future: Edible and Useful Plants for a Healthier World Naiyarkibo 2014-05-27 iti Wayback Machine by Ken Fern, published by Permanent Publications ISBN 1-85623-011-2

Dagiti akinruar a silpo

• Opisial a website