Ysgol Gyfun Gymunedol Penweddig

Ysgol Gyfun Gymunedol Penweddig

Math	ysgol, ysgol ddwyieithog
Sefydlwyd	1973
Daearyddiaeth
Lleoliad	Llangawsai
Sir	Aberystwyth, Ceredigion
Gwlad	Cymru
Cyfesurynnau	52.41°N 4.07°W
Cod post	SY23 3QN

Ysgol Gyfun Gymunedol Penweddig
Sefydlwyd	1973
Math	Ysgol Gyfun Gymunedol[1]
Cyfrwng iaith	Cymraeg
Lleoliad	Ffordd Llanbadarn, Aberystwyth, Ceredigion, Cymru, SY23 3QN
AALl	Cyngor Sir Ceredigion
Disgyblion	598 (2024)[2]
Rhyw	Cyd-addysgol
Oedrannau	11–18
Lliwiau	Du
Gwefan	penweddig.ceredigion.sch.uk/cy/

Ysgol uwchradd gyfun gymunedol cyfrwng Cymraeg yn nhref glan-môr Aberystwyth yw Ysgol Gyfun Gymunedol Penweddig ac fe'i henwyd ar ôl yr hen gantref o'r un enw (Penweddig). Sefydlwyd yr ysgol yn 1973[3] fel ysgol ddwyieithog i blant gogledd Sir Ceredigion, ond ysgol Gymraeg yw hi bellach. Noda Prospectws yr ysgol mai'r 'Gymraeg yw iaith bob dydd yr ysgol a hi hefyd yw cyfrwng y rhan fwyaf o’r gwersi. Mae cynnal Cymreictod o fewn yr ysgol, y gymuned leol a thu hwnt yn rhan ganolog o waith yr ysgol.' Nodir hefyd fod gwaith dyngarol yn elfen amlwg o waith a thraddodiad yr ysgol.[4] Mae gan yr ysgol tua 600 o ddisgyblion ar y gofrestr.

Mae canlyniadau arholiadau allanol, ar bob lefel, yn sylweddol uwch na chanlyniadau cyfartalog Cymru ac mae'r ysgol ymhlith yr ugain ysgol orau yng Nghymru. Yn 2005, roedd bron traean o’r disgyblion yn derbyn gwersi offerynnol neu leisiol a cheir adnoddau da, gyda 7 labordy a 7 gweithdy celf a dylunio a thechnoleg.[5]

Penaethiaid

Gerald Morgan (1973-1989)

Arwel George (1989-2009)

Gwenallt Llwyd Ifan (2009-2018)

Dr Rhodri Thomas (2020-2022)

Clive Williams (2024-)

Adeiladau

Adeiladwyd drwy ddull Menter Cyllid Preifat (PFI) gan gwmni Atkins. Nhw sy'n berchen ar adeilad yr ysgol, ac mae'n cael ei logi i'r Cyngor Sir i'w ddefnyddio fel ysgol.

Agorodd yr ysgol mewn hen adeilad ar Ffordd Dewi, Aberystwyth, adeilad roedd y cyngor yn berchen arno. Ym mis Hydref 2001 symudwyd yr ysgol i'w chartref presennol ar Ffordd Llanbadarn.

Gwerthoedd

• Parchu eich hunain ac eraill
• Parchu eiddo ac amgylchedd
• Parchu'r ysgol
• Defnyddio'r iaith Gymraeg hyd eithaf eich gallu.
• Parchu rygbi

Cyn-ddisgyblion nodedig

• Aled Haydn Jones - cynhyrchydd ar The Chris Moyles Show[6]
• Esyllt Sears - comediwraig
• Georgia Ruth - cantores[7]
• Gwyneth Keyworth - actores[8]
• Daniel Gwydion Williams
• Damian Walford Davies
• Jason Walford Davies
• Lleucu Roberts - awdures plant
• Sioned Puw Rowlands - llenor
• Iola Wyn - Newyddiadurwraig
• Jacob Ifan - actor[9]
• Telor Gwyn - darlunydd llyfrau
• Aled Llyr - actor
• Rhys ap Hywel - actor
• Aelodau Race Horses - band a berfformiodd yng Ngŵyl Glastonbury yn 2007[10]
• Aelodau Sorela - triawd o chwiorydd sy'n canu caneuon yn Gymraeg
• Dylan Ebenezer - darlledwr

Cyfeiriadau

1. Gwefan yr ysgol; Archifwyd 2017-04-22 yn y Peiriant Wayback adalwyd 27 Chwefror 2017.
2.  Adroddiad arolygiad Ysgol Gyfun Gymunedol Penweddig. Estyn (2024).
3.  Blaenair gan y prifathro (Saesneg). Ysgol Gyfun Penweddig.
4. Prospectws yr ysgol; Archifwyd 2016-03-05 yn y Peiriant Wayback adalwyd 20 Mawrth 2015
5. Arlowg 2005; dyfynnwyd ym Mhrospectws yr ysgol: “Mae adnoddau da ar gyfer pob pwnc. Gwna’r disgyblion ddefnydd da iawn o’r ganolfan adnoddau, lle mae stoc dda iawn o lyfrau. Mae ansawdd yr adeiladau’n rhagorol.”; adalwyd 20 Mawrth 2015
6.  Aled Haydn Jones' Biography. BBC Wales.
7. "Proffil Georgia Ruth Williams". Facebook.
8. Edwards, Efa (Rhagfyr 2008). "AGI! AGI! AGI!". Y Tincer Rhif 314: 1. https://www.trefeurig.org/uploads/ytincerrhagfyr314.pdf. Adalwyd 2019-03-28.
9. "Film and TV stars band together to support Arts Centre". Cambrian News (yn Saesneg). Archifwyd o'r gwreiddiol ar 2020-06-26. Cyrchwyd 2019-10-08.
10. Schiavone, Owain (Mawrth 2009). "CARLAMU I'R BRIG". Y Selar Rhifyn 17: 4, 5. https://issuu.com/y_selar/docs/yselarmawrth09/4.

Dolenni allanol

• Gwefan yr ysgol Archifwyd 2018-02-26 yn y Peiriant Wayback