Chrétien de Troyes

Chrétien de Troyes
Ganwyd	c. 1130s  Troyes
Bu farw	c. 1180s  Fflandrys
Dinasyddiaeth	Ffrainc
Galwedigaeth	llenor, bardd, nofelydd
Adnabyddus am	Erec and Enide, Yvain, the Knight of the Lion, Cligès, Perceval, the Story of the Grail, Lancelot, the Knight of the Cart

'Gawain a'r offeiriad'. Lancelot Chrétien de Troyes (15fed ganrif)

Roedd Chrétien de Troyes (tua 1135 – tua 1183) yn llenor o Ffrainc o'r Canol Oesoedd, a ystyrir fel y cyntaf o chwedleuwyr mawr Ffrainc.

Bywgraffiad

Ychydig a wyddys am ei fywyd. Credir iddo gael ei eni yn Troyes o deulu dosbarth canol ac iddo gael addysg dda; gwyddir ei fod yn medru Hen Roeg. Mae'n debyg iddo fod yn llys Marie de Champagne a Philippe d'Alsace, comte de Flandres. I Philippe y cyflwynodd Perceval ou le Conte du Graal.

Mae'n debyg iddo gael ei ddeunydd o'r traddodiad celtaidd. Mae Érec et Énide, Yvain ou le Chevalier au Lion a Perceval ou le Conte du Graal yn cyfateb i'r tair stori yn Y Tair Rhamant yn Gymraeg: Geraint ac Enid, Iarlles y Ffynnon a Peredur fab Efrawg. Nid oes sicrwydd a yw'r storïau Cymraeg yn addasiad o weithiau Chrétien ynteu yn weithiau annibynnol yn defnyddio yr un deunydd.

Gweithiau

• Tristan et Iseult (ar goll)
• Érec et Énide, tua 1170
• Cligès, tua 1176
• Lancelot ou le Chevalier de la charrette, tua 1178-1181 (anorffenedig)
• Yvain ou le Chevalier au lion, tua 1178-1181
• Perceval ou le Roman du Graal, tua 1182-1190 (anorffenedig)

Llyfryddiaeth

• Anne Berthelot, Le roman courtois: une introduction (Paris, 1998)
• Philippe Walter, Chrétien de Troyes (Paris, 1997)

Cyfeiriadau