|
আগ্ৰা প্ৰেচিডেঞ্চি
আগ্ৰা প্ৰেচিডেঞ্চি (ইংৰাজী: Presidency of Agra) ব্ৰিটিছ ভাৰতত গঠন হোৱা চাৰিখন প্ৰেচিডেঞ্চিৰ ভিতৰত এখন আছিল আৰু ১৯ শতিকাৰ প্ৰথমাৰ্ধত ভাৰতক বিভক্ত কৰা আঠটা পৃথক পৃথক প্ৰশাসনীয় গোটৰ অন্যতম আছিল। অন্য তিনিখন প্ৰেচিডেঞ্চি আছিল- বেংগল, বম্বে, আৰু মাদ্ৰাচ প্ৰেচিডেঞ্চি। ইয়াৰ আয়তন আছিল ৯,৪৭৯ বৰ্গমাইল (২৪,৫৫০ বৰ্গকিলোমিটাৰ) আৰু জনসংখ্যা আছিল প্ৰায় ৪,৫০০,০০০।[1] ১৮৩৪ চনৰ ১৪ নৱেম্বৰত ভাৰত চৰকাৰ আইন ১৮৩৩ৰ (3 & 4 Will. 4. c. 85) [2] বিধান অনুসৰি [[সমৰ্পিত আৰু বিজিত প্ৰদেশবোৰৰ পুনৰ্গঠন]ৰ] মাধ্যমেদি আগ্ৰা প্ৰেচিডেঞ্চি স্থাপন কৰা হয়। ছাৰ চি টি মেটকাফক প্ৰেচিডেঞ্চিৰ নতুন গৱৰ্ণৰ হিচাপে নিযুক্তি দিয়া হয়।[3] কিন্তু ১৮৩৫ চনত সংসদৰ আন এক আইন, ভাৰত (উত্তৰ-পশ্চিম প্ৰদেশ) আইন ১৮৩৫-ৰ (5 & 6 Will. 4. c. 52) দ্বাৰা অঞ্চলটোৰ নাম সলনি কৰি উত্তৰ-পশ্চিম প্ৰদেশ কৰা হয় আৰু এজন লেফটেনেণ্ট গৱৰ্ণৰৰ দ্বাৰা পৰিচালিত হয়। ১৮৩৬ চনৰ ১ জুনৰ পিছত আগ্ৰা প্ৰেচিডেঞ্চিৰ অস্তিত্ব নাইকীয়া হৈ যায়। লগতে চাওকতথ্যউৎস
বাহ্যিক সংযোগ
|
|||||||||||||||||||||||||||||||||||||||||||||||||||||||||||||||||||
