Zuqueta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as zuquetas. Ta o pelo facial se veiga zoqueta (barba)

Zoquetas, por debant y por dezaga.

A zuqueta u zoqueta[1] (d'a radiz celta <*TSUCC[2]) ye una ferramienta agricola que s'emplega ta guardar os didos contra eventuals tallos mientres se siega manualment. Se mete en a man contraria a aquella con a cual se manulla la falz u cualsiquier atra ferramienta de corte.

Tradicionalment, se feban de madera. As formas mas comuns protechen os tres didos centrals d'a mano, u os cuatro no oposables, y deixan o dido pulgar libre ta subchectar as garbas mientres, con l'atra man, se siegan con a falz. Bels disenyos incluyen, a demás, dos foradez ta fer-ie pasar un cordelet que sirven ta ligar a zoqueta a la monyeca de a mesma man con a cual se fa servir a protección. Isto l'asegura y garantiza que no caiga mientres se treballa con ella.

Etimolochía

A parola zoqueta ye un celtismo que dimana d'una radiz <*TSUCC, que tamién ye present en as parolas zoca, zuca u zueca, un toponimo frecuent que fa referencia a montanyas con a punta triangular u piramidal.

Imáchens

• 
  Como se posaba a zoqueta en a man.
• 
  Emplegando-la con una falz.

Referencias

1. (es) José Carlos López Dieste: Vocabulario aragonés de Villanueva de Gállego (Bajo Gállego, Zaragoza), Xordica Editorial, 2010, ISBN 978-84-96457-62-1, p.105
2. (es) Voz «Zoqueta» en a edición en linia d'o Diccionario de la Real Academia Española; consultau o 8 de chunio de 2012.

• Datos: Q1144873
• Multimedia: Protection for sickle harvesting / Q1144873