|
Verbos acabaus en -re en aragonés benasqués
Los verbos acabaus en -re en aragonés benasqués son la continación natural de la tercera conchugacion latina igual como los verbos acabaus en la mesma terminación en las luengas galorromanicas. En benasqués la evolución de los verbos de la tercera conchugación latina estió diferent con respecto a l'aragonés cheneral conservando-se l'accentuación esdrúixola en un primer inte pa dimpués perder-se la vocal post-tónica y formar verbos acabaus en -re (IV clase benasquesa de J.A Saura Rami[1]) como en francés, occitán y catalán:
Estos infinitivos coexisten en benasqués con estene(r), fone(r), aprene(r), pllove(r), crede(r), fote(r), vene(r), mole(r), pllanye(r) y fuyi(r). A part d'esta lista de verbos de la tercera conchugación latina que pasan a la IV clase benasquesa, tamién bi ha verbos d'atros orichens, que presentan tamién infinitivos en -er u -ir. Provienen de la segunda conchugación latina en -ĒRE os verbos valre, duelre, calre, riure y tinre, coincidindo con una tendencia s'ha dau en la evolución de lo catalán y de cualques dialectos de l'occitán en los que ciertos verbos de la tercera conchugación latina han pasau a la segunda (visible en lo catalán y part de l'occitán deure, moure que derivan de DEBĒRE y MOVĒRE). Antiparte, los verbos RESPONDĒRE, MISCĒRE, TONDĒRE y TORQUERE pasoron dende la segunda conchugación a la tercera en lo latín d'amplas zonas. Referencias
Bibliografía
|
||||||||
