- Iste articlo ye sobre un municipio andaluz en a provincia de Sevilla; ta atros usos, se veiga Utrera (desambigación).
Utrera ye un municipio andaluz situato en a comarca d'o Baixo Guadalquivir y provincia de Sevilla. Ye a capital d'o partiu chudicial d'o suyo nombre.
A suya población ye de 51.630 habitants (2011), en una superficie de 684,26 km² con una densidat de población de 75,45 hab/km².
O suyo centro historico ye protechito legalment dende 2002 con a suya declaración como Conchunto Historico-Artistico, protección legal equivalent en l'actualidat a la de Bien d'Intrés Cultural.
Cheografía
A localidat d'Aguadulce ye situata a 49 metros d'altaria sobre o ran d'a mar, a una distancia de 24 km d'a ciudat de Sevilla, a capital d'a suya provincia.
En fan parte os lugars de Guadalema de los Quintero, el Palmar de Troya, la Cañada, Trajano y Pinzón.
Mugas
O termin municipal d'Utrera muga a o norte con Alcalá de Guadaíra; a o nord-este con los Molares; a l'este con el Coronil y Arahal; a o sud con Villamartín; a o sudueste con Espera (istos dos zaguers, en a provincia de Cádiz); a l'ueste con las Cabezas de San Juan y la Puebla del Río; y a o norueste con Dos Hermanas y los Palacios y Villafranca.
Demografía
Administración
Reparto de concellers
Alcaldes
Molimentos
Molimentos relichiosos
- Ilesia de Santa María de la Mesa d'Utrera, una ilesia d'orichen medieval esviellata en 1401, en estilos gotico y renaixentista adedicato a Santa María. Ye protechito legalment dende 1979 con a suya declaración como Bien d'Intrés Cultural.
- Ilesia de Sant Chaime o Mayor d'Utrera, una ilesia en estilo gotico adedicata a Sant Chaime o Mayor, protechita legalment con a suya declaración como Bien d'Intrés Cultural dende l'anyo 1977.
- Ilesia de Nuestra Sinyora d'a Consolación d'Utrera, una ilesia adedicata a la Virchen d'a Consolación, patrona d'a ciudat. Se debantó en estilo barroco en o primer tercio d'o sieglo XVII y ye protechita con a suya declaración como Bien d'Intrés Cultural dende l'anyo 1982.
- Convento d'a Purisma Concepción d'Utrera, un convento establito en 1577. Ye protechito legalment con a suya declaración como Bien d'Intrés Cultural dende l'anyo 1979.
- Convento d'as Chirmanas d'a Cruz d'Utrera.
- Capiella d'os Dolors d'Utrera, en estilo barroco.
- Hespital d'a Santa Resurrección d'Utrera, un edificio establito en 1514. A suya ilesia ye d'o sieglo XVII, d'una sola nau, en estilos gotico y renaixentista.
- Capiella de Sant Francisco d'Utrera, devantada en 1645 por a Companyía de Chesús.
- Capiella de Nuestra Sinyora d'o Carmen d'Utrera.
- Capiella de Sant Bertolomeu d'Utrera, d'o sieglo XVII. Se i conservan tres retablos en estilo barroco.
- Capiella d'a Santisma Trinidat d'Utrera, debantat en 1719-1723, que poseye nomás que una sola nau.
- Basilica d'el Palmar de Troya, una basilica d'a Ilesia Catolica Palmariana de meyatos d'o sieglo XX.
Molimentos civils
Localidaz achirmanatas
Vinclos externos
Referencias
.svg)
_001.jpg)
