|
Tuca de la Maladeta
A tuca de la Maladeta ye un pico aragonés de 3.312 metros d'altaria amán d'o Pico Aneto, en os Pireneus. D'antis mas se creyeba que yera mas alta que l'Aneto y os intentos por puyar a la tuca de la Maladeta estioron anteriors que a la resta de picos d'o macizo homonimo. A primera puyata a la suya tuca con exito estió feita o 29 de setiembre de 1817, principinado dende Luixón por Johann Jacob Friedrich Wilhelm Parrot con Pierre Barrau de guía. A rota de puyata habitual ye común a la de l'Aneto y en plegando a la altaria d'o portillón superior bi ha que continar en linia recta dica o piet mesmo d'a crencha d'as Maladetas y acceder por un espingato corredor dica una roca muit caracteristica y vistable. En paso dica o corredor debe meter-se ficacio pues gosa ubrir-se una funda crepa en epocas no hibernals. Una vegata puyato lo Cuello de la Rimaya o camín tuerce ta la ezquierda y en pocos minutos s'adube a tuca. Vinclos externos
|
||||||||||||||||||||||||||||||||||||||
.png)
