Crencha (montanyas)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un sender que va por a crencha d'un sarrato.

En aragonés, a crencha d'un mont, una sierra u un sarrato ye una corona prolargada y libre d'arbolera arredol d'a punta u a loma superior, coincidindo alto u baixo con a zona de mayor altitut y dificil acceso, y que fa de dorsal entre dos versants[1] evidents.

A crencha puet estar sin vechetación arboria porque a causa de l'altitut no se'n faiga u, por contra, porque sía de lastras a causa de la mayor erosión. Bellas vegadas a penya se fa vistable, por o cual no pocas vegadas se documenta l'uso d'a parola crencha pa referir-se a la penya despullada y prolargada en o espinazo d'una sierra, u simplament una formación de penya que destaca contra la resta d'a montanya[1] y que s'apareix de dificil u cuasi imposible acceso.[2]

En Aragón en son eixemplos a crencha d'Estatás, a crencha de Tempestaz, a crencha de Creuenya u a crencha d'Ixalenques entre atras.

Referencias

1. (an) CASAUS PARRILLA, Chesús y MIGUEL BALLESTÍN, Pascual, Dizionario Aragonés de Terminos Cheograficos; Gara d'Edizions. Zaragoza, 2008. ISBN 978-84-8094-059-7
2. (es) CORONAS CABRERO, Mariano, Vocabulario aragonés de Labuerda-A Buerda (Sobrarbe); Xordica Editorial. Zaragoza, 2007. ISBN 978-84-96457-23-2

Se veiga tamién

• Corona (montanyas).
• Fitero.
• Ralla (cheomorfolochía estructural).

• Datos: Q65394745