|
Cap d'Ixalenques
O Cap d'Ixalenques (en castellano Forca Estasen) ye una tuca de 3.019 m d'altaria, con una prominencia de 33 m,[1] que se troba en o macizo d'a Maladeta, provincia de Uesca (Aragón). ToponimiaYe adedicada a l'alpinista catalán Lluís Estasen i Pla. O suyo nombre tradicional lo prene manimenos d'a vall d'Ixalenques y ista d'a ixalenca (nombre benasqués, sarguera en aragonés cheneral y salenca en catalán), un tipo d'arbusto d'as riberas, muit frecuent en os ríos d'o Pireneu, que tiene os trallos resistents encara que muit flexibles, y por ixo d'antes s'emplegaban ta ligar os trancos d'as navatas. A palabra ixalenca viene d'una forma hipotetica *SALENCA en latín y amuestra a misma evolución fonetica que ixaringa, ixufre, ixarrallón y ixoriguer, a on a S- inicial d'o latín ha evolucionau ta una x-. Se piensa que a terminación -enca fa de sufixo igual como en albenca.[2] A palabra salenca se documenta tamién en catalán y en occitán (bi ha una carrera en Tolosa que se diz Carrièra de las Salencas en occitán y Rue des Salengues en francés). Vinclos externos
Referencias
|
||||||||||||||||||||||||||||||||||||
.png)
