O Tour de Francia (en francésTour de France, literalment en aragonésVuelta a Francia) ye una cursa ciclista por etapas disputada en Francia y atros países d'arredol mientres tres semanas en o mes de chulio. Ye parte de l'UCI WorldTour y ye considerada como una d'as tres grans cursas ciclistas chunto a o Giro d'Italia y a Vuelta a Espanya.
Dende l'1 de chinero de 2009, dimpués d'un alcuerdo internacional que incluye dica l'inte a todas as cursas ciclistas UCI ProTour, cursas organizadas por RCS Sport (Giro d'Italia...), cusas organizadas por Amaury Sport Organisation (Tour de Francia...) y cursas organizadas por Unipublic (Vuelta a Espanya...), s'alcordó que excepto lo Maillot d'a Cheneral Individual, a resta de maillot serían d'a mesma color. Asinas dende l'anyo 2009 os maillot d'o Tour de Francia quedan asinas:
Primero Cheneral Individual: casco, pantalón y maillot de color amariella.
Segundo Cheneral Individual: se sinyala con un numero de color archent sobre royo en cuentas de l'usual negro sobre blanco.
Tercero Cheneral Individual: se sinyala con un numero de color bronce sobre royo en cuentas de l'usual negro sobre blanco.
Primero Cheneral Individual de Puntos: maillot color verda.
Primero Cheneral Individual de Montanya: maillot color blanca con puntos royos.
Premio d'a Combatividat: se sinyala con un numero blanco sobre royo en cuentas de l'usual negro sobre blanco a lo corredor mas combativo d'a etapa anterior.
Primero Cheneral Individual de choven millor clasificau (ha d'estar menor de 25 anyos l'1 de chinero de l'anyo): maillot color blanca.
Primero Cheneral Individual de Combinada: en l'actualidat iste premio no existe en o Tour de Francia.
Aragón en o Tour
Tour de Francia 1991
Encara que ye prou habitual que o Tour pase amán d'as mugas aragonesas en as suyas etapas pirenencas no estió dica 1991 cuan por primera vegada una etapa d'a cursa gala remató y un atra prencipió en territorio aragonés.[9] A etapa 12 d'a edición d'o Tour de Francia 1991, o día 18 de chulio, prencipió en a localidat biarnesa de Pau y remató con victoria d'o francés Charly Mottet en a ciudat de Chaca dimpués de recorrer 192 km. A etapa siguient, o 19 de chulio, prencipió en Chaca y remató con victoria d'o italiano Claudio Chiappucci en a estación d'esquí de Val-Loron, en a comuna de Genos, dimpués de 232 km. En ista etapa Miguel Indurain se vistió por primera vegada d'amariello, pa dimpués ganar o suyo primer Tour de Francia.
O primer aragonés, y espanyol, en participar en o Tour de Francia estió José María Javierre que heba pasau desapercibiu per toz dica que en 2004 a revista ciclista Coups de pédales descubrió que en 1909 participó per primera vegada con o suyo nombre afrancesau como Joseph Habierre cuan no teneba encara la nacionalidat francesa tot y vivir en Francia dende os cuatro anyos d'edat.
En toz os anyos d'historia d'o Tour nomás un ciclista aragonés ha puyau dica o podio en París. Fernando Escartín remató tercero en a edición de 1999 dezaga d'o estausunidense Lance Amstrong (dimpués descalificau) y o suizo Alex Zülle. Amás o ciclista pelaire ganó ixe mesmo anyo a etapa reina d'os Pireneus entre Sent Gaudenç y Piau-Engaly[10].
↑En o Tour de Francia 1904 se facioron una serie de descalificacions y penalizacions por as que o ganador, Maurice Garin, chunto con os cuatre primers, estioron borraus d'a clasificación cheneral. A la fin, se fació una polemica lista que situgaba como ganador a o choven Henri Cornet, que heba quedau cinqueno. Tamién as victorias d'etapa de Garin fuoron eliminadas.
.svg){kind=logo}
.svg){kind=small}
.svg){kind=small}
.svg){kind=small}
