Henri Cornet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Henri Cornet
Información personal
Nombre	Henri Auguste François Jardry
Calendata de naiximiento	4 d'agosto de 1884
Puesto de naiximiento	Desvres (Paso de Calais, Francia)
Calendata de muerte	18 de marzo de 1941
Puesto de muerte	Prunay-le-Gillon (Eure y Loir, Francia)
Esporte	Ciclismo
Información d'equipo
Equipo actual	Retirato
Disciplina	Carretera
Papel	Ciclista
Grans victorias
Tour de Francia (1904) París-Roubaix (1906)

Henri Auguste François Jardry, dito Henri Cornet, naixito de Desvres (Paso de Calais) o 4 d'agosto de 1884 y muerto en Prunay-le-Gillon (Eure y Loir) o 18 de marzo de 1941, estió un ciclista francés. Henri Cornet estió ganador d'o Tour de Francia (1904) y d'a París-Roubaix (1906).

Cornet remató o Tour de Francia de 1904 en cinquena posición, pero as circumstancias que rodioron a preba rematoron dando-le o triunfo y con tasament decinueu anyos d'edat, ye dica l'actualidat o ganador mas choven d'a historia d'a preba.

Tour de 1904

Esta edición estió una cursa con muitas polemicas y os corredors sufrioron actos violentos per parte d'os espectadors. Ya en a primera etapa os dos primers clasificaus de l'anyo anterior (Garin y Pothier) estioron agredius per cuatro encapachudos que iban en auto.

Per unatra parte se sospeitaba que gran parte d'os corredors heban chito trapas mientres o transcurso de cualques etapas no fendo a totalidat d'o recorriu u fendo-lo en atros meyos de transporte como auto u tren.

Debant d'estes numerosos actos de trapas sospeitadas u atestiguadas, a Unión vélocipédique de Francia (UVF), organizadora d'a preba, fació una enquesta escrupulosa en a cual incluyió a decenas de competidors y de testigos d'o paso d'a cursa. Finalment o 30 de noviembre, mas de cuatro meses dimpués de finalizar o Tour, os cuatro primers d'a clasificación cheneral (Maurice Garin, Lucien Pothier, César Garin y Hippolyte Aucouturier), son descualificaus. As suyas victorias d'etapa son anuladas y o cinqueno d'a clasificación cheneral, Henri Cornet fue declarau vencedor y convertindo-se con tasament decinueu anyos d'edat, lo ganador mas choven d'a historia d'a preba.

Clasificacions en o Tour de Francia

• 1904, 1er. en a clasificacion cheneral y ganador d'una etapa. (5eno. dinantes d'a descualificación d'os cuatre primers).
• 1905, abandona (4a etapa).
• 1907, abandona (4a etapa).
• 1908, 8eno. en a claseficacion cheneral.
• 1909, abandona (4a etapa).
• 1910, 16º en a claseficacion cheneral.
• 1911, 12º en a claseficacion cheneral.
• 1912, 28º en a claseficacion cheneral.

Dimpués d'o ciclismo

En rematar a suya vida profesional como ciclista ubrió un taller de bicicletas y d'automobils con un café contiguo. Se casó o 6 d'octubre de 1906 con Ernestine Río y tenioron ueito ninos. S'instala en un primer momento a Frainville, d'an ye a suya muller, dimpués treslada a suya residencia definitivament a Prunay-lo-Gillon y posteriorment muere en o hespital en 1941 de complicacions posteriors a una cirurchía cardiaca.

En 2012, se coloca una placa commemorativa en o cementerio local y a carrera an vivió leva o suyo nombre en l'actualidat.

Vinclos externos

• Se veigan as imáchens de Commons sobre Henri Cornet.

Predecesor: Maurice Garin	Tour de Francia 1904	Succesor: Louis Trousselier
Predecesor: Louis Trousselier	París-Roubaix 1906	Succesor: Georges Passerieu

• Datos: Q337219
• Multimedia: Henri Cornet / Q337219