Torn Curtain (títol orichinal en anglés, en aragonés Postalera rasguiada, enguerada en Aragón con o suyo títol traduciu enta lo castellano como Cortina rasgada) ye una cinta de cine estausunidense de cine d'intriga d'espionache de l'anyo 1966 dirichida por Alfred Hitchcock seguntes un guión orichinal de Brian Moore, con colaboracions no acreditadas de Willis Hall y Keith Waterhouse, con una banda sonora orichinal de John Addison, una dirección de forografía de John F. Warren y una producción cinematografica d'o mesmo Alfred Hitchcock ta la suya productora cinematografica Alfred J. Hitchcock Productions. Forman l'elenco d'a cinta, entre d'atros, os actors Paul Newman, Julie Andrews, Lila Kedrova, Hansjörg Felmy, Tamara Toumanova, Wolfgang Kieling, Ludwig Donath, Günter Strack, David Opatoshu, Gisela Fischer, Mort Mills, Carolyn Conwell y Arthur Gould-Porter.
A cinta se centra en a figura de Michael Armstrong, un investigador estausunidense de Fisica nucleyar qui, proveitando d'un viache en Estocolmo ta recullir-ie un premio, albandona Suecia ta marchar enta la Republica Democratica Alemana, plegando en Berlín Este aparentment ta colaborar con un prestichioso fisico de l'Alemanya Oriental. La suya novia, a qui no ha comunicau garra cosa s'os suyos plans, decide viachar enta Berlín en o suyo mismo vuelo d'avión, acompanyando-lo en a suya fuyida enta l'atro canto d'o Telón d'Acero (que ye a postalera que se rasguia a la que fa alusión o títol d'a cinta, en o marco d'a Guerra Fría). A cinta s'ambienta en o suyo momento actual (1966) en Copenaguen (Dinamarca), Estocolmo (Suecia) y Berlín y Leipzig (Alemanya Oriental, hue Alemanya). As escenas de Torn Curtain se filmoron en Copenaguen (Dinamarca), Berlín (Alemanya) y Los Angeles, Camarillo, Long Beach y los Universal Studios en Universal City en California en Estaus Unius.[2]
Torn Curtain ha recibiu bels premios y nominacions, encara que garra d'éls fa parte d'os premios mas destacaus d'o panorama cinematografico.
Se veiga tamién
Referencias
Vinclos externos
