Cine d'intriga

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Historia d'o cine
Tipos
Muto Sonoro Aragonés Espanyol Nortamericano Latinoamericano Asiatico Africano Europeu
Cheneros
Acción Animación Belico Comedia Documental Experimental Historico Familiar Fantasía Ficción cientifica Cine negro Independient Infantil Intriga Musical Porno Terror Western

O cine d'intriga, tamién dito de suspenso u con l'anglicismo thriller, ye a denominación usata ta un amplo chenero cinematografico, que abraca subcheneros diferents que a ormino s'acaballan, y que per nexo d'unión tienen una trama con elementos y claus caracteristicos, a resolución d'os cuals mantién en suspenso lo espectador.

As cintas d'intriga comparten a ormino un ritmo rapedo, con acción frecuent y, en muitos casos, con protagonistas destinatos a trebullar es prochectos de villanos mes poderosos u dar fin a conflictos importants. D'entre es recursos que gosan a apareixer, ibi ha suspenso, bayos falsos ta despistar o espectador y finals irresueltos ta futuras continacions.

O guión de muitas d'istas cintas gosa a estar l'adaptación de bella obra literaria d'as tamién ditas novelas d'intriga u de suspenso.

Subcheneros

No puet fablar-se d'una división clara d'as cintas d'intriga en subcheneros, si bien, seguntes os elementos d'altros cheneros que i apareixen, a menuto pueden encaixar-sen, d'entre altros, en os siguiens estallamientos:

• Cintas d'espías, en as cuals o protagonista gosa a estar un achent d'o gubierno que ha d'acometer accions violentas contra un altro gubierno u organización. En son bels ixemplos: The 39 Steps (Os 39 escalerons), d'Alfred Hitchcock; The Manchurian Candidate (O candidato de Manchuria), de John Frankenheimer; The Spy Who Came in from the Cold (O espía surtito d'a fredor), de Martin Ritt; u Spy Game (Chuego d'espías), de Tony Scott.
• Cintas d'intriga psicolochica, en as cuals ye tan u mes importán o conflicto mental y emocional que no l'acción, si bien per un regular a resolución a la fin ye violenta. En son bels eixemplos: Abre los ojos (Ubre os uellos), d'Alejandro Amenábar; u Memento (Recordatorio), de Christopher Nolan.
• Cintas d'intriga terrorifica, diferents d'as cintas de terror en que, mes que no los elementos u figuras de terror, o que i prima ye la trama de suspenso. En son ixemplos: Psycho (Sicosis), d'Alfred Hitchcock; The Collector (O Coleccionista), de William Wyler; u Saw, de James Wan.
• Cintas d'intriga politica, en que o protagonista aduya a sostener o suyo Gubierno contra una conspiración. A sobén, as peliculas se basan en libros u best-sellers. Bels ixemplos en son Seven Days in May, de John Frankenheimer, basata en un libro de Fletcher Knebel, u Chacal, de Fred Zinnemann, basata en una novela de Frederick Forsyth.

Manimenos, ye difícil d'establir una verdadera buega entre cheneros. Asinas, a mayoría de cintas combinan una serie d'elementos de cheneros diferents. Per ixemplo, o filme Seven, de David Fincher, ye una cinta d'intriga con elementos sicolochicos, policiaco-criminals y de terror.

D'entre os muitos directors con obras en iste chenero, en descolla lo britanico Alfred Hitchcock, qui ha recebito en ocasions a embotata de "chenio (u mago) d'o suspenso".

Cintas destacadas d'o chenero

Anyos 1930

Anyo	Títol	Director	Productora	Actors	Notas
1931	'[1]

Referencias

1. (en) [ '] en Internet Movie Database.

Cheneros cinematograficos

Black film | Cine d'acción | Cine d'animación | Cine d'artes marcials | Cine d'asayo | Cine d'autor | Cine d'aventuras | Cine belico | Cine biografico | Cine de capa y espada | Cine de catastrofes | Cine chovenil | Cine de chudicios | Cine de ciencia-ficción | Cine de comedia | Cine de comedia a l'italiana (Commedia all'italiana) | Cine de comedia romantica | Cine de desastres | Cine documental | Cine de drama | Cine epico | Cine erotico | Cine d'espionache | Cine d'esportes | Cine experimental | Cine de fantasía | Cine de gángsters | Cine de garcholas | Cine historico | Cine infantil | Cine d'intriga | Cine mudo | Cine musical | Cine negro | Cine de peplum | Cine policiaco | Cine politico | Cine pornografico | Cine quinqui | Cine relichioso | Cine de romance | Cine de serie B | Cine social | Cine de terror | Cine de western | Cine de zombis

• Datos: Q2484376
• Multimedia: Thriller films / Q2484376