Tomasa Hernández Martín

Tomasa Hernández Martín
Consellera d'Educación, Cultura y Esporte d'o Gubierno d'Aragón
Actualment en o cargo
Dende o 12 de chulio de 2024
President	Jorge Azcón Navarro
Gubierno	Gubierno Azcón
Precediu por	Claudia Pérez Forniés (Educación, Ciencia y Universidaz)
Consellera de Presidencia, Interior y Cultura d'o Gubierno d'Aragón
12 d'agosto de 2023 – 12 de chulio de 2024
President	Jorge Azcón Navarro
Gubierno	Gubierno Azcón
Precediu por	María Teresa Pérez Esteban (Presidencia y Relacions Institucionals) Felipe Faci Lázaro (Educación, Cultura y Esporte)
Succediu por	María del Mar Vaquero Periánez (Presidencia, Economía y Chusticia) Roberto Bermúdez de Castro Mur (Hicienda, Interior y Administración Publica)
Naiximiento	20 d'octubre de 1960 Torre la Cárcel, Comunidat de Teruel, Aragón
Partiu	Partido Popular de Aragón
Profesión	Politica, avogada y profesora universitaria
Alma Máter	Universidat de Zaragoza

Tomasa Hernández Martín (Torre la Cárcel, Comunidat de Teruel, 20 d'octubre de 1960) ye una politica aragonesa, actual consellera d'Educación, Cultura y Esporte y antiga consellera de Presidencia, Interior y Cultura d'o Gubierno d'Aragón.

Biografía

Ye licenciada en Dreito por a Universidat de Zaragoza. Prencipió a suya vida profesional fendo fainas como chueza sustituta en Calamocha y Teruel mientres paraba a oposición de chudicaturas.

Aprebó a oposición de Letraus de l'Administración de Chusticia en 1989, exercendo dimpués en Molina d'Aragón, Leida y Zaragoza. Fació parti d'o Chuzgau Mercantil numero 1 de Zaragoza dende a suya creyación en 2004 dica que apreba l'acceso a la carrera chudicial por o 4° turno a la categoría de Machistraus.

Ha estau profesora asociada en o Departamento de Dreito d'a Empresa d'a Universidat de Zaragoza entre os anyos 2015 y 2022, estando tamién Directora Cheneral de Chusticia d'o Gubierno d'Aragón dende 2011 dica 2015. En os zaguers anyos treballó como Machistrada d'o Chuzgau de Primera Instancia numero 17 de Palma de Mallorca, estando nombrada en 2023 consellera de Presidencia, Interior y Cultura[1][2] [3] d'o Gubierno d'Aragón formau por o president Jorge Azcón.

Con a reestructuración d'o gubierno o 12 de chulio de 2024 pasa a estar nombrada consellera d'Educación, Cultura y Esporte.[4]

Referencias

1. (es) Tomasa Hernández, consejera de Presidencia, Interior y Cultura. Heraldo de Aragón, 12 d'agosto de 2023
2. (es) Los turolenses Manuel Blasco y Tomasa Hernández, consejeros del nuevo Gobierno de Aragón, con Nolasco y Vaquero como vicepresidentes. Diario de Teruel, 12 d'agosto de 2023
3. (es) Este es el nuevo organigrama del Gobierno de Aragón con sus nuevos consejeros y asesores. Heraldo de Aragón, 3 d'octubre de 2023
4. (es) Alejandro Nolasco dimite como vicepresidente de Aragón por "conciencia" y defiende que hará "valer" los votos de Vox. Heraldo de Aragón, 12 de chulio de 2024

Vinclos externos

• (es) Ficha en Laboratorio Juridico-Empresarial. Universidat de Zaragoza

Predecesor: Claudia Pérez Forniés (Educación, Ciencia y Universidaz)	Consellera d'Educación, Cultura y Esporte d'o Gubierno d'Aragón Dende o 12 de chulio de 2024	Succesor: En o cargo
Predecesor: María Teresa Pérez Esteban (Presidencia y Relacions Institucionals) Felipe Faci Lázaro (Educación, Cultura y Esporte)	Consellera de Presidencia, Interior y Cultura d'o Gubierno d'Aragón Dende o 12 d'agosto de 2023	Succesor: María del Mar Vaquero Periánez (Presidencia, Economía y Chusticia) Roberto Bermúdez de Castro Mur (Hicienda, Interior y Administración Publica)

• Datos: Q130549225