Roberto Pablo Bermúdez de Castro Mur (Uesca, 25 de chinero de 1971) ye politico aragonés d'o Partido Popular. Dende 2016 dica chunio de 2018 estió Secretario d'Estado pa las Administracions Territorials en o Ministerio de Presidencia.
Biografía
Se diplomó en Ciencias Empresarials por a Universidat Ubierta de Catalunya y se licenció en Administración y Dirección d'Interpresas por a mesma universidat.
Trachectoria politica
Ha estau consellero de Presidencia, Chusticia y Portavoz d'o Gubierno d'Aragón (2011-2015), portavoz d'o Grupo Popular en as Corz d'Aragón (2015-2016), senador (2008-2011), deputau provincial, concellero y president d'a Comarca d'a Plana de Uesca. Estió o candidato por o PP a l'alcaldía d'a capital uescana en as municipals de 2003 y 2007.
En 2016 fue nombrau secretario d'Estau pa las Administracions Territorials.[1]
Dimpués de l'aprebación de l'aplicación de l'articlo 155 d'a Constitución Espanyola que miraba de revertir y aturar o proceso separatista catalán, Presidencia d'o Gubierno le delegó l'aplicación de dito artíclo. O 30 d'octubre de 2017, Bermúdez de Castro arribó en Barcelona pa supervisar o traspaso competencial.
En chunio de 2018 con o cambeo de gubierno en Espanya liderau por Pedro Sánchez fue sustituyiu por Ignacio Sánchez Amor.[2]
En 2023 [3] ye nombrau consellero d'Hicienda y Administración Publica d'o Gubierno d'Aragón formau por o president Jorge Azcón. Con a reestructuración d'o gubierno o 12 de chulio de 2024 pasa a estar nombrau consellero d'Hicienda, Interior y Administración Publica.[4]
Referencias
Vinclos externos
.jpg)
.svg){kind=small}
