an Gubierno Rudi

Gubierno Rudi


Información d'o Gubierno
Establito	16 de chulio de 2011
Reemplaza a	Gubierno Iglesias III (2007-2011)
Disolución	6 de chulio de 2015
Reemplazato por	Gubierno Lambán I (2015-2019)
Churisdicción	Aragón
President	Luisa Fernanda Rudi Úbeda

O Gubierno Rudi estió o Gubierno d'Aragón dende o 16 de chulio de 2011 dica 6 de chulio de 2015, mientres a VIII Lechislatura d'Aragón. Fue presidiu por Luisa Fernanda Rudi Úbeda d'o Partido Popular de Aragón dimpués de ganar por mayoría simpla as eleccions aragonesas de 2011. Succedió a o tercer gubierno de Marcelino Iglesias y estió o Gubierno d'Aragón mientres un total de 3 anyos, 11 meses y 20 días.

O gubierno yera formau por miembros d'o Partido Popular de Aragón y o Partido Aragonés (PAR). Fue automaticament disuelto o 25 de mayo de 2015 a consecuencia d'as eleccions aragonesas de 2015, encara que continó en funcions dica a formación d'o siguient gubierno.

Historia

En as eleccions autonomicas d'o 22 de mayo de 2011, Luisa Fernanda Rudi encabezó a campanya d'o Partido Popular contra a socialista Eva Almunia, consellera de Presidencia d'o Gubierno d'Aragón. Quedó primera con o 39,7% d'os votos y 30 d'os 67 deputaus.^[1], dimpués de doce anyos de dominación socialista, y alto u baixo un mes dimpués arribó a un alcuerdo con o Partido Aragonés (PAR), que contaba con 7 deputaus electos, guarenciando a suya investidura.^[2]. Manimenos, l'alcuerdo no preveye que o PAR faiga parti d'o gubierno, encara que le'n da a presidencia d'as Corz d'Aragón y cuantos cargos en l'administración rechional.^[3].

En o suyo discurso d'investidura debant d'as Corz o 12 de chulio, anunció un plan de reducción d'o gasto publico, que incluyiba a reducción en una cuarta parti d'os departamentos executivos y d'os altos cargos de l'Administración, una gran reforma d'as administracions publicas, una auditoría y una lei pa amugar a deuta publica y o endeutamiento autonomico, sin minguamiento d'o estau d'o bienestar, que consideraba verdaderament important. Tamién propuso una reforma fiscal pa fomentar as donacions y o turismo d'hibierno.^[4]. Nombrada o día siguient por 37 votos de 67^[5], Luisa Fernanda Rudi churó o suyo cargo o 14 de chulio, convertindo-se en a primera Presidenta d'Aragón.

Estructura y composición

O Gubierno yera formau por consellers d'o Partido Popular de Aragón, Partido Aragonés y independients distribuyius en 9 departamentos.

Cargo / Departamento	Tetular
← Gubierno de Luisa Fernanda Rudi → (16 de chulio de 2011 - 6 de chulio de 2015)
Partiu politico		Partido Popular de Aragón
		Partido Aragonés
		Independient (PP)
Presidenta		Luisa Fernanda Rudi Úbeda 16 de chulio de 2011 - 6 de chulio de 2015
Presidencia y Chusticia		Roberto Pablo Bermúdez de Castro Mur 16 de chulio de 2011 - 6 de chulio de 2015
Hicienda y Administración Publica		Mario Garcés Sanagustín 16 de chulio de 2011 - 3 de chinero de 2012
		José Luis Saz Casado 3 de chinero de 2012 - 7 d'abril de 2014
		Javier Campoy Monreal 7 d'abril de 2014 - 6 de chulio de 2015
Economía y Emplego		Francisco Bono Ríos 16 de chulio de 2011 - 6 de chulio de 2015
Obras Publicas, Urbanismo, Vivienda y Transporte		Rafael Fernández de Alarcón 16 de chulio de 2011 - 6 de chulio de 2015
Politica Territorial y Interior		Antonio Suárez Oriz 16 de chulio de 2011 - 6 de chulio de 2015
Agricultura, Ganadería y Medio Ambient		Federico García López 16 de chulio de 2011 - 3 de chinero de 2012
Agricultura, Ganadería y Medio Ambient		Modesto Lobón Sobrino 3 de chinero de 2012 - 6 de chulio de 2015
Innovación y Nuevas Tecnolochías Consellería disuelta o 30 d'aviento de 2011		Modesto Lobón Sobrino 16 de chulio de 2011 - 3 de chinero de 2012
Industria y Innovación Consellería creyada o 30 d'aviento de 2011		Arturo Aliaga López 3 de chinero de 2012 - 6 de chulio de 2015
Educación, Universidat, Cultura y Esporte		María Dolores Serrat Moré 16 de chulio de 2011 - 6 de chulio de 2015
Sanidat, Bienestar Social y Familia		Ricardo Oliván Bellosta 16 de chulio de 2011 - 6 de chulio de 2015