Tiradera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa l'arma y chuguet que s'emplega pa tirar piedras, se veiga Tirador.

Una tiradera.

Una tiradera, en o Pireneu, ye un camín esbrozau en a selva pa sacar os trallos[1][2][3] tirando-los con abríos u atros mecanismos de tracción, enta una «plaza» chunto a una pista forestal u carretera an que se pueda cargar-los en cambions u atros medios de transporte enta lo suyo destino definitivo.

Antes d'a mecanización d'o treballo, as tiraderas remataban en un barranco u bel río, t'an que se feba rodar os troncos pa que contino l'augua los llevase. L'acción de conducir os troncos con as ganchas dende a ribera se deciba «barranquiar».

A persona que ubre as tiraderas y dimpués treballa sacando os troncos («tirando») con as bestias se diz o «tirador».

Cheosinonimos

En a Sierra d'Albarracín, que tamién tiene bella cosa de tradición a madera, se deciba «arrastradero» a la tiradera, y «arrastrador» a o tirador.[4]

Imáchens

• 
  Tiraderas en a selva tropical de Borneo.

Referencias

1. BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. ISBN 978-84-8094-058-0
2. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
3. BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions. Zaragoza, 2005. ISBN 84-8094-054-9
4. MONESMA, Eugenio. Labores de un milenio. Aragón: Tomo I. Editorial Pirineo. Uesca, 2003. ISBN 84-87-997-56-2.

Se veiga tamién

• Tranya.
• Tirador (treballador).
• Trallo (tronco).