Savoia-Marchetti SM.79 Sparviero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Savoia-Marchetti SM.79 Sparviero
Savoia-Marchetti SM.79 Sparviero.
Datos chenerals
Tipo	Bombardero
Fabricant	Savoia-Marchetti AUSA (Aeronautica Umbra) IAR (Romania)
Disenyador	Alessandro Marchetti
Primer vuelo	24 de setiembre de 1934
Grandaria
Largaria	16,2 m
Altaria	4,1 m
Peso	3 t
Especificacions
Motor	Tres motors Alfa 128 R.C.18
Velocidat maxima	460 km/h
Uso
Estato	Retirau
Operador	Regia Aeronautica
Atros usuarios	Reyal Fuerza Aeria Rumana Eixercito de l'Aire .
Producción
Anyos	1936-1945
Unidaz construyitas	1.240-1.330
Derivatos	Savoia-Marchetti SM.84
Esquema

Savoia-Marchetti SM.79 Sparviero ye un avión bombardero desembolicau por Savoia-Marchetti. O suyo primer vuelo estió en 1934. Tien tres motors Alfa 128 R.C.18, una velocidat maxima de 460 km/h y capacidat d'aventar dica 1.200 kg de bombas. S'han construyiu 1.330 unidaz.[1]

Historial operacional

Los prencipals escenarios de guerra en os cuals participó estioron mientres lo desembolique d'a Guerra Civil Espanyola y la Segunda Guerra Mundial. Italia continó utilizando estes avions dica 1955 y a Fuerza de l'Aire d'o Libano compró cuatre en 1946, los cuals estioron entregaus en 1949 y utilizaus como transportes militars, istas aeronaves amaneixioron en 1954 en a cinta de cine belico They Who Dare (Lewis Milestone).

Guerra Civil Espanyola

Istos avions fuoron utilizaus mientres a Guerra Civil Espanyola por l'Aviación Lechionaria italiana, en Aragón parteciporon en os bombardeyos d'Alcanyiz, Balbastro y Andorra.

En o bombardeyo d'Alcanyiz o 3 de marzo de 1938 entre doce y quince bombarders d'iste modelo executoron o bombardeyo, que se fació de día en destruyendo 188 casas y s'estima que lo numero de muertos estió d'entre 300 y 500 civils (entre éls muitos ninos d'a escuela y a maestra) amás de numerosos ferius.

O bombardeyo de Balbastro executau o 3 de noviembre de 1937 ye o segundo bombardeyo mas mortifero d'a Guerra Civil feito en Aragón, con una estimación de entre 100 y 200 civils muertos.

O 12 de marzo de 1938, nueu diyas dimpués d'o bombardeyo d'Alcanyiz, ye bombardeata a ciudat d'Andorra con un numero desconoixito de victimas.

Segunda Guerra Mundial

L'11 de chunio de 1940, nomás que un día dimpués d'a declaración de guerra d'o Reino d'Italia a lo Reino Uniu mientres a Segunda Guerra Mundial, la 2a Squadra Aerea d'a Regia Aeronautica atacó lo puerto de Valletta (Malta) con 33 bombarderos Savoia-Marchetti SM.79 Sparviero, escoltaus por 18 cazas Fiat CR.32, prencipiando asinas lo setio de Malta.[2]

Operadors

Mientres a Segunda Guerra Mundial

País	Fuerza aeria	Anyos	Notas
Brasil	Fuerza Aeria Brasilera		Recibioron 2 avions SM.79T y dimpués en mercoron un atro
Estau Independient de Croacia	Fuerza Aeria de l'Estau Independient de Croacia	1941-1945	Operoron con bels avions ex-yugoslavos
Tercer Reich	Luftwaffe		Operó con avions ex italianos capturaus
Reino d'Iraq	Reyal Fuerza Aeria Iraquí	1937-1941	En mercoron 6 en 1937, destruyius en a guerra anglo-iraquí[3]
Reino d'Italia	Regia Aeronautica	1934-1943
	Aviación Lechionaria	1936-1939	100 avions[4]
	Aeronautica Cobelicharant Italiana	1943-1945
Republica Social Italiana	Aeronautica Nacional Republicana	1943-1945
Reino de Rumanía	Reyal Fuerza Aeria Rumana
Espanya franquista	Aviación Nacional
Reino de Yugoslavia	Reyal Fuerza Aeria Yugoslava		En teneba 42 avions en prencipiar a Segunda Guerra Mundial
Reino Uniu	Royal Air Force	1941	Dimpués d'a invasión de Yugoslavia, lo 117 Escuadrón d'a RAF en recibió 4 SM.79T en mayo de 1941 que operoron en o Frent d'a mar Mediterrania dica noviembre.[5]

En a posguerra

País	Fuerza aeria	Anyos	Notas
Italia	Fuerza Aeria Italiana	1945-1955[6]
Liban	Fuerza Aeria Libanesa	1946-?	Mercó 4 SM.79L en 1946, entregaus en 1949 y emplegaus como avión de transporte

Referencias

1. (en) Jane's Encyclopedia of Aviation, Random House, 1993, ISBN 978-0517103169
2. (es) Giovanni Massimello y Giorgio Apostolo: Ases italianos de la II Guerra Mundial, Ediciones del Prado, Madrid, 2000, p.18 ISBN 84-8372-562-2
3. (en) Lyman, Robert: Iraq 1941: The Battles for Basra, Habbaniya, Fallujah and Baghdad. Oxford, Reino Uniu, Osprey Publishing, 2006, p.26. ISBN 1-84176-991-6.
4. (en) Thomas, Hugh: The Spanish Civil War. Penguin Books. 2006. Londres. p.938
5. (en) March, Daniel J., ed.: British Warplanes of World War II. Londres, Aerospace Publishing, 1998, p.252. ISBN 1-874023-92-1.
6. (en) Italy. Air Force, en o sitio web Aeroflight.

Vinclos externos

• Se veigan as imáchens de Commons sobre Savoia-Marchetti SM.79.

• Datos: Q1146174
• Multimedia: Savoia-Marchetti SM.79 Sparviero / Q1146174