Run of the Arrow (títol orichinal en anglés, en aragonés O vuelo d'a flecha, enguerada en Aragón con o títol de Yuma) ye una cinta de cine estausunidense de cine de western de l'anyo 1957 dirichida por Samuel Fuller seguntes o suyo propio guión orichinal, con una producción cinematografica d'él mesmo ta la productora cinematografica RKO Radio Pictures, con una banda sonora orichinal de Victor Young y una dirección de fotografía de Joseph Biroc. L'elenco d'a cinta ye composau d'os actors Rod Steiger, Sara Montiel, Brian Keith, Ralph Meeker, Jay C. Flippen, Charles Bronson, Olive Carey, H.M. Wynant, Neyle Morrow, Frank DeKova, Tim McCoy y Stuart Randall, entre d'atros.
En Run of the Arrow se conta la historia d'O'Meara, un soldau de l'exercito confederau que en o zaguer día d'a Guerra Civil d'os Estaus Unius dispara contra un tenient de l'exercito estausunidense y no consigue matar-lo, so que lo porta dica un medico ta que l'atienda; en conoixer o final d'a guerra con a rendición d'a Confederación, O'Meara decide no reblar y unir-se a los sioux ta continar a suya particular luita contra los Estaus Unius, casando-se con una india que l'aduyó. A cinta s'ambienta en Virchinia y Utah en os anyos 1860, y se rodó en iste zaguer estau.
Se veiga tamién
Referencias
Vinclos externos
