|
Salt Lake City
Salt Lake City (en aragonés literalment Ciudat d'o Laco Salato) ye a capital y mayor ciudat d'o estato d'Utah, en os Estaus Unius. A día 1 de chulio de 2008 a suya población yera de 181.698 habitants en a ciudat y una mica mas de dos millons d'habitants contando l'aria metropolitana que forma chunto a las ciudaz vecinas. Fue fundata en 1847 por os Santos d'os Zaguers Días, ilesia dirichita por ixas envueltas por Brigham Young. Ye chusto a o sud-este d'o Gran Laco Salato (Great Salt Lake). Ye seu central d'a Ilesia de Chesucristo d'os Santos d'os Zaguers Días, tamién conoixitos como mormons. Como seu d'a ilesia mormona, a ciudat encara conserva muitas construccions que se facioron cuan plegoron ta ista tierra en 1847, por eixemplo, a Casa d'o Leyón (en anglés Lion House) como se li coneixeba a o profeta Young, l'Aldeya Deseret (Deseret Village), y mas que mas o templo de Salt Lake City. A ilesia mormona tamién tien o centro de rechistro familiar mas gran d'o mundo, con servicios sin garra coste ta o publico. A mas d'estar a capital d'una relichión mundial, Salt Lake City tien una d'as mayors industrias finacieras d'os Estaus Unius. EsportesSalt Lake City ye a seu de l'equipo d'o basketbol profesional Utah Jazz d'a NBA (siglas en anglés d'a National Basketball Association) dende l'anyo 1979.[1] Tamién tien equipos profesionals de hockey chelo, fútbol y béisbol. Competicions esportivasEn l'hibierno de 2002 Salt Lake City estió a ciudat a on se celebroron os Chuegos Olimpicos d'hibierno en a suya XIX edición. Referencias
|
|||||||||||||||||||||||||||||
.svg)
Portal di Ensiklopedia Dunia
