Rapatán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Concepción artistica d'un rapatán.

Un rapatán u repatán[1] (de l'arabe hispanico <rább aḍḍán, «sinyor d'as uellas»[2]) ye o más choven d'os pastors d'una companyía que va pastor en a transhumancia. Tipicament, ye un nino u zagal adolescent d'entre 10 y 15 anyos.

Os rapatans son os zaguers en a hierarquía d'a companyía transhumant, y reciben órdens de toz os pastors de demés. Enantes, antes de que se popularizás o emplego de cans d'aturar en os rabanyos, a suya fayena principal consistiba en correr dezaga d'as uellas ta chirar-las y fer-las aturar, ta fer-las seguir o camino, alto u baixo como actualment o fan os cans.

Anque ye un treballo desapareixiu en Aragón, a suya figura sigue d'actualidat en as pastoradas y os romances aragoneses, a on que i gosa amaneixer bel personache de rapatán y a lo qui o cliché fa siempre innocent y simplón.

Referencias

  1. ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.45
  2. ↑ (es) Voz «rabadán» en a edición Online d'o Diccionario de la Lengua Española; consultau o 8 d'octubre de 2015.

Se veiga tamién