|
Ramón Torralba Larraz
Ramón Torralba Larraz (conoixiu esportivament como Torralba), naixiu d'Ardisa (Cinco Villas, Aragón) o 13 d'agosto de 1895 y muerto en León (Guanajuato Mexico) lo 6 de chunio de 1986,[1][2] estió un futbolista aragonés, que chugaba como centrocampista y que mientres 15 anyadas estió chugador titular d'o Futbol Club Barcelona. Cuan teneba nomás que 6 meses a suya familia se tresladó enta Barcelona, a on se formó como chugador infantil en o Reial Club Deportiu Espanyol, pasando dimpués a chugar con o Fútbol Club Internacional antis de fichar por o Futbol Club Barcelona, a on formó un poderoso conchunto con Agustín Sancho y Josep Samitier. Bien luego fació tamién parte d'a selección masculina de fútbol de Catalunya mientres os anyos 1910 y 1920. Mientres muitos anyos mantenió la marca de poseyer o mayor numero de partius chugaus con o FC Barcelona, con 475 partius chugaus entre 1914 y 1928 conseguindo 16 gols, dica que en os anyos 1960 superó la suya marca Joan Segarra. O 4 de febrero de 1917 se li fació un homenache en o campo de fútbol de l'equipo, situau en ixas envueltas en a carrera Indústria de Barcelona, estando lo primer chugador d'o FC Barcelona en recibir-ne un. Se retiró d'o fútbol l'1 de chulio de 1928 dimpués de recibir un segundo partiu d'homenache, ista vegada en o campo de les Corts (que yera alavez o campo de l'equipo), marchando dimpués a vivir en Mexico, a on i morió. Referencias
Vinclos externos
|
||||||||||||||||||||||||||||||||||||||||
Portal di Ensiklopedia Dunia
