|
Río Gangas
O Gangas[1] (Ganga, en as luengas d'a India) ye un gran río situato a o norte d'a India, y que ye considerato como sagrato por os hindús. Naixe con o nombre de Bhagirathi en o glaciar Gangotri, en o Himalaya, y s'une a o río Alaknanda amán de Deoprayag ta formar o Gangas. O Gangas desemboca en o golfo de Bengala dimpués de dividir-se en muitos ríos menors. Un d'éls ye o río Hoogli, a mán de Calcuta; un atro ye o Padma, río que dentra en Bangladesh. As rechions mugants con o delta amán d'o golfo de Bengala son conoixitas como os Sunderbans (literalment Selvas politas) – una rechión de espesas selvas de chinchebre, y l'habitat natural d'o tigre de Bengala. O río Yamuna, un río practicament sagrato, ye un afluent d'o Gangas, y a suya unión ye amán d'a ciudat sagrata india de Prayag, hue en día conoixita como Allahabad. En o Gangas, i viven dos especies de delfins, o delfín d'o río Gangas y o delfín Irrawaddy. Tamién bi habita una especie de tiburón cuasi esconoixita, o Glyphis gangeticus. ToponimiaEn o "Libro d'o Trasoro" s'escribe Gangas y Gadeuas. Referencias
Vinclos externos
|
||||||||||||||||||||||||||||||||||
