Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
L'Himalaya ye una cordelera situata en o continentasiatico y s'estendilla por os países de Bután, China, Nepal, Tíbet, India y Pakistán, formando un arco d'ueste a este de 2.600 kilometros y de norte a sud de 350 kilometros. O suyo nombre procede d'o sanscrito y significa val de nieus.
Ye a cordelera mas alta d'a Tierra con 14 tucas de mas de 8.000 metros d'altaria, estando lo Everest con 8.844,43 metros d'altaria, anque seguntes beluns 8.846, 8.848 m y atros 8.850 m a montanya mas alta d'a tierra,[1][2] atros "ueitomil" como lo Chogo Ri renombrato como K2 (8.611 m) y Kanchenjunga (8.598 m), tamién i son en l'Himalaya.
L'Himalaya ye o lugar a on estan os naixederos de bels d'os mas grans ríos d'Asia y d'o mundo. Entre os ríos que tienen o suyo naixedero en l'Himalaya esta o Gangas, l'Indo, o Brahmaputra, o Yamuna y o Yangtzé, en os cuals cauces viven no menos de 1300 millons de personas.
A cordelera de l'Himalaya ha influito en a cultura popular y muitas d'as suyas montanyas y rios son sagratos ta os pueblos y as relichions d'Asia d'o Sud.
Tucas de mes de 8.000 m d'altaria
Anvista aeria de l'Himalaya, O Mont Everest puede alufrar-se amán d'o centro d'a imachen.
Istas 14 tucas ueitomils son as de mes altaria de l'Himalaya y tamién as 14 tucas de mes altaria d'o mundo.
Everest, (Sagarmatha en nepalés y Chomolangma en tibetán), 8.844,43 m, anque seguntes beluns 8.846, 8.848 m y atros 8.850 m.[2][3]
K2, con 8.611 m ye a segona tuca mes alta d'o mundo.
Kangchenjunga, (dito tamién Kanchajunga, Kanchajanga, Kinchijunga, Kangchenjunga, Kangchen Dzö-nga, Kanchendzonga o Kangchanfanga), 8.586 m.
Gasherbrum II, conoixito tamién como K4, con 8.035 m d'altaria.
Shisha Pangma, conoixito tamién como Xixiabangma y Gosaithan, con 8.013 m d'altaria.
En a cultura popular
As dimensions que tiene tanto en longaria como en altura ha limitau o intercambio cultural y a migración humana entre o norte y o sud. Estas dificultaz han permitiu que os contactos haigan estau poco numerosos y os conflictos s'haigan privau. As diferencias son significativas si se comparan as relichions, costumbres y lenguas de China y d'a India, anque antiparte tamién i hai semellanzas per o que fa a considerar muitos puestos d'a cordelera (ríos, montanyas, etc.) como puestos sagraus pa as distintas relichions y civilizacions que han habitau a cordelera u as suyas inmediaciones.
O himalaya tamién ha estau un puesto d'inspiración y escenario de liendas, documentals, cintas, libros y poesias.
Como buen escenario natural s'han rodau muitos documentals y cintas d'entretenedera a vegadas localizadas en un puesto emblematico u destacau d'a cordelera como puede estar o Everest.
(en) Fisher, James F., Sherpas: Reflections on Change in Himalayan Nepal, 1990. Berkeley, University of California Press, 1990. ISBN 0-520-06941-2.
(en)Gansser, Augusto, Gruschke, Andreas, Olschak, Blanche C., Himalayas. Growing Mountains, Living Myths, Migrating Peoples, New York, Oxford: Facts On File, 1987. ISBN 0-8160-1994-0 and New Delhi: Bookwise, 1987.
(en)Isserman, Maurice and Weaver, Stewart, Fallen Giants: The History of Himalayan Mountaineering from the Age of Empire to the Age of Extremes. Yale University Press, 2008. ISBN 978-0-300-11501-7.
(en) Ives, Jack D. and Messerli, Bruno, The Himalayan Dilemma: Reconciling Development and Conservation. London / New York, Routledge, 1989. ISBN 0-415-01157-4.
(en) Lall, J.S. (ed.) in association with Moddie, A.D., The Himalaya, Aspects of Change. Delhi, Oxford University Press, 1981. ISBN 0-19-561254-X.
(fr)Michel Raspaud, L'Aventure himalayenne. Les enjeux des expéditions sur les plus hautes montagnes du monde, 1880-2000, Presses universitaires de Grenoble, 2003.
