|
Pugart O pugart[1][2][nota 1] ye una ferramienta agricola relacionada con os ixaus y as ixadas que sirve pa escardar as malas hierbas y bater a tierra, y s'emplega especialment pa desenronar hortalicias que creixen enronadas, como as trunfas y as cebollas. En a valle de Vio tamién se documenta o nombre d'ixata de ganchos.[2] O bigós[3][4][5] ye una ferramienta parellana perteneixient a la mesma familia. Consiste en un tozuelo de metal que, como os d'es ixaus, s'achusta en l'extrimo d'un astil u mango gracias a que tiene una trasca circular, de forma que a fuella de metal queda alto u baixo perpendicular a o mango. Este tozuelo tiene dos «pugas», por cuentas d'estar plano como en atras ferramientas de a mesma familia, o que lo de millor fender en tierra por entre as venas d'as plantas, sin arribar a tallar os tuberculos como sí que gosa pasar con os ixaus plans. Contino, tirando un poquet u fendo ceprén, se ranca la planta de forma mas fácil. Rudolf Wilmes describió que en a valle de Vió s'emplegaba pa remover o fiemo.[2] Tamién diz que en gascón biarnés se documenta con o nombre de «puàr».[2] Notas
Referencias
Se veiga tamién |
Portal di Ensiklopedia Dunia
