Ixadón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un ixadón.

L'ixadón, aixadón u xadón ye una ferramienta agricola d'o tipo d'as ixadas pero con o tozuelo mas amplo y aplanau. Sirve millor pa cavar que as ixadas, mas finas y por contra mas útils pa repicar, ya que puede devantar glebas de tierra mas grans que aquellas. Tamién se'n emplega pa sacar o fiemo en as cuadras y cargar-lo en a carriola u «carretillo».

En as variedaz d'aragonés de Sobrarbe con mas tendencia a la conservación d'as consonants oclusivas xordas entre vocals se documenta tamién as formas ixatón[1] y aixatón.[2] En os anyos 1940, Badia i Margarit documentó ixato y aixato en a villa de Bielsa.[2] La segunda tamién a documentó W. D. Elcock en Torla en 1935.[3]

Referencias

  1. ↑ (es) LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Prensas Universitarias de Zaragoza + Gara d'Edizions. Zaragoza, 2010. ISBN 978-84-8094-062-7
  2. ↑ 2,0 2,1 (es) BADIA i MARGARIT, Antoni. El habla del valle de Bielsa. Aladrada ediciones. Zaragoza, 2015. ISBN 978-84-942470-8-8
  3. ↑ W. D. Elcock. Cómo se cazan las palabras. Artículos sobre el aragonés (1935-1958). p. 141. Aladrada ediciones. Zaragoza, 2018. ISBN 978-84-947712-5-5

Se veiga tamién