Prefixo sub-

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo prefixo sub- ye un prefixo latín que indica estar debaixo de qualquecosa, que ye present en cultismos y tiene un orichen común con o griego clasico hipo- en a radiz indoeuropea *upo. O prefixo sub- ha orichinau en aragonés por vía patrimonial parolas que encomienzan por so[1] (con as variants sos y soz), u za[1] d'alcuerdo con a fonetica aragonesa.

En latín presentaba variants d'acuerdo con o fenomeno d'asimilación:

• Suc- debant ciertas parolas que encomienzan por c como en SUCCEDERE.
• Suf- debant ciertas parolas que encomienzan por f como en SUFFICERE.
• Sug- debant ciertas parolas que encomienzan por g como en SUGGESTIO.
• Sup- debant ciertas parolas que encomienzan por p como en SUPPORTARE.
• S'elide en su- debant ciertas parolas con radiz encomenzada por s- como en SUSPECTIO, pero tamién bi ha una variant sus- en SUSPENDERE.[2]

Cultismos con prefixo sub -

Son cultismos con prefixo sub- en aragonés parolas presents en atras luengas romances y d'Europa Occidental:

• Subchuntivo.[3]
• Subconscient.[3]
• Subchección.
• Subchecto.[4]
• Subchugar.
• Subchugo.[4]
• Subdito.
• Subscripción.[4]
• Subseqüent.[3]
• Substancia.[4]
• Substituir.
• Substitución.[4]
• Substrato.[3]

Parolas que encomienzan por so-

Son parolas que encomienzan por o prefixo so-:

• Somanta.[1]
• Sobater.[1]
• Sopinar.[1]
• Sotobar [1] u sostobar.

Parolas que encomienzan por soz-

A variant soz y propias sobre tot d'o luengache medieval:

• Sozmeter.
• Sozterrar.

Sobre tot en demarcacions territorials, institucions u cargos:

• Sozcomanda.
• Sozmerinía.
• Sozprior.
• Sozdeán.
• Sozsagristán.
• Sozcambrero.
• Sotzcapellan.

A variant sus- d'o sufixo sub u a elisión d'a consonant b debant de parolas encomenzadas por s podrían explicar l'orichen d'esta variant.

Parolas que encomienzan por za-

Son parolas que encomienzan por za-:

• Zabucar.[1]
• Zafumar.[1]

Referencias

1. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses (1999) pp 162.
2. (fr) Jacqueline Picoche, Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. pp 503-505.
3. (an) Academia de l'Aragonés: Propuesta ortografica de l'Academia de l'Aragonés. EDACAR, 7. Zaragoza, 2010. pp61
4. (an) Vidal Mayor

Bibliografía

• (an) Academia de l'Aragonés: Propuesta ortografica de l'Academia de l'Aragonés. EDACAR, 7. Zaragoza, 2010.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses (1999).
• (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
• (fr) Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.

• Datos: Q13049907