Plana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre a plana como forma de releu. Ta altros usos d'o termin «plana» se veiga Plana (desambigación).

Campos de cerial en a plana d'o baixo Danubio.

Una plana u plan (d'o latín < PLANU)[1] ye un aria con releu relativament plan. As planas son a sobén resultato d'un proceso erosivo continato en o tiempo (superficies d'erosión), encara que en o caso d'as riberas son producto d'a sedimentación fluvial (planas aluvials), que pueden estar formando diferents livels (faixas fluvials).

Seguntes a extensión as planas u plans pueden recibir a denominación de "planetas", "planazos", "planadas" u "esplanadas", orichinando toponimos con larga persistencia en o tiempo e que se conservan en a toponimia sieglos dimpués d'a castellanización. Bi ha muitos toponimos que tienen a palabra "Plano" acompanyata de l'articlo.

Tipos de planas

• Plana abisal, una zona plana u con una pendient muito suave d'o fondo oceanico.
• Plana aluvial u Plana d'inundación, formata por o deposito de materials acarreyatos por os ríos e que se converten en fluvisols.
• Plana d'erosión, plana que se forma en un proceso luengo d'erosión dimpués d'haber rematato os procesos d'orochenesis.
• Plana costera, plana paralela a la costa.

Referencias

1. (es) José María Enguita Utrilla:Un vocabulario agrícola turiasonense de 1382, Turiaso n°8, 1989, ISSN 0211-7207, p.139-178

• Datos: Q160091
• Multimedia: Plains / Q160091