José María Enguita Utrilla

José Mª Enguita Utrilla
Información personal
Calendata de naixencia	1950
Puesto de naixencia	Santa María de Huerta (Soria, Castiella y Leyón)
Calendata de muerte	14 de chinero de 2025
Edat	74 anyos
Puesto de muerte	Zaragoza (Comarca Central, Aragón)
Ocupación	Filologo, profesor universitario y catedratico

José María Enguita Utrilla (Santa María de Huerta (Soria), 1950 - Zaragoza, 14 de chinero de 2025)[1] estió un filologo, profesor universitario, catedratico de luenga espanyola en a Universidat de Zaragoza[2] y director de l'Archivo de Filología Aragonesa[3] en a Institución «Fernando el Católico».

Succesor de Tomás Buesa en a catedra de luenga espanyola, ha continau as linias d'estudio d'aquel sobre o espanyol d'America Latina y sobre dialectolochía aragonesa.

Murió lo 14 de chinero de 2025 a resultas d'un accident vascular cerebral.

Formación

Estudió Filolochía Romanica en a Facultat de Filosofía y Letras d'a Universidat de Zaragoza dende 1969 dica 1973. Se doctoró en a mesma universidat con a tesi doctoral La influencia americana en el léxico de la "Historia general y natural de las Indias", de Gonzalo Fernández de Oviedo en 1980, con Premio Extraordinario de Doctorau.[2]

Docencia

Como docent, l'amostranza l'ha feito mas que mas sobre luenga espanyola y as relacions lingüisticas entre America y a Peninsula Iberica, sobre a historia d'a luenga espanyola y sobre dialectolochía hispanica.[2] A dintro d'esta zaguera, ha tocau bellas veces a Filolochía aragonesa.

Atras aportacions

En colaboración con María Antonia Martín Zorraquino ye autor de Las lenguas de Aragón (Zaragoza, 2000),[2] una obra que s'ha tomau de referencia posteriorment. Ye coautor de bels articlos sobre aragonés y o proceso de castellanización d'Aragón,[4] escritos con Mª Luisa Arnal en os primers anyos 1990, cuan esta tematica encara no teneba guaire cobertura dende una optica academica.

Dende 1985 dica 2006 estió lo secretario d'a sección de filolochía d'a Institución «Fernando el Católico».[2] y secretario de l'Archivo de Filología Aragonesa, que edita ixa entidat. Dende 2007 ye o director de l'AFA.[2]

Referencias

1. (es) Mariano García: Muere el filólogo aragonés José María Enguita, en Heraldo de Aragón, 14 de chinero de 2025.
2. (es) Ficha de personal en a web d'a Universidat de Zaragoza. Consultada o 3 de mayo de 2019.
3. (es) Publicaciones en a web d'a Institución «Fernando el Católico», consultada o 3 de mayo de 2019.
4. (es) María Luisa Arnal Purroy en a web d'a Universidat de Zaragoza. Consultada o 2 de mayo de 2019.

Se veiga tamién

• Universidat de Zaragoza.
  • Departamento de Lingüistica Cheneral y Hispanica d'a Universidat de Zaragoza.
• Tomás Buesa Oliver.
• María Antonia Martín Zorraquino.
• María Luisa Arnal Purroy.

• Datos: Q65393756