|
Palacio d'o marqués d'Ayerbe de Zaragoza
O palacio d'o marqués d'Ayerbe (en castellano palacio del marqués de Ayerbe) estió un palacio que yera en Zaragoza situau en a desapareixida carrera d'el Pilar, en o solar de l'actual Casa d'a Ciudat, seu d'o Concello de Zaragoza. Yera a lo costau d'a Posada d'os reis y d'a clamada Casa Daina. HistoriaO palacio estió construyiu en o sieglo XVI per lo marqués de Lierta dica que pasó a estar propiedat d'os marqueses d'Ayerbe cuan lo marquesau de Lierta s'incorporó a lo d'Ayerbe en chinero de 1767. O palacio estió reformau en o sieglo XVIII. En 1835 sirvió como seu temporal d'a Reyal Maestranza de Caballería de Zaragoza. En 1870 se construyió en o suyo chardín un cenador con as restas d'o recientment espaldau palacio de Torrellas. En 1901 o palacio estió vendiu a lo conde de Magalhaes. Posteriorment pasó a mans d'a familia Brun. Una parti d'o palacio sirvió como viviendas de loguero, mientres que unatra como colechio de relichiosas. En mayo de 1942 estió espaldau pa enamplar a plaza d'o Pilar. DescripciónO palacio teneba una superficie total de 2980 m2 repartius en 895 m2 de chardín, 380 m2 de luna y 1777 m2 en l'edificio. Teneba una bodega, 5 plantas y una falsa.[1] RestasDiversas lampas d'o palacio penchan actualment dentro d'a Basilica d'o Pilar. Referencias
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
